Skútan er 61 fet og því hin stærsta á Íslandi. |
bb.is | 20.08.2008 | 13:25Stærsta skúta á Íslandi
Stærsta skúta á Íslandi sigldi inn Skutulsfjörðinn í morgun og lagðist upp við bryggju í sinni nýju heimahöfn. Það var Rafn Pálsson sem keypti þetta glæsilega fley í Hollandi en það er 61 fet sem gerir þetta að stærstu skútu landsins. Hún er einu feti stærri en Aurora, skúta Borea adventures sem einnig hefur Ísafjörð sem heimahöfn. Að sögn Rafns gekk siglingin frá Hollandi til Íslands frá Hollandi vel en hún tók um sjö daga. Rafn vill sem minnst tjá sig um kaupverðið á skútunni sem er tólf ára gömul, byggð 1996. "Ég ætla að búa í henni", svarar Rafn þegar hann er spurður út í hvað hann hyggst nota skútuna í, "Það má vel vera að ég noti hana eitthvað í að sigla um svæðið en skútan verður samt fyrst og fremst hobbí og heimili". HEIMILD BB, ÍSAFIRÐI
