|
Loup Des Mers Mynd Trefjar 2017
Ný Cleopatra 33 til Noirmoutier í Frakklandi
Bátasmiðjan Trefjar í Hafnarfirði afgreiddi nú á döguum nýjan Cleopatra bát til Noirmoutier á vesturströnd Frakklands.
Að útgerðinni stendur Christophe Corbrejaud sem jafnframt er skipstjóri á bátnum.
Nýji báturinn hefur hlotið nafnið “Loup Des Mers”. Báturinn er 11brúttótonn. “Loup Des Mers” er af gerðinni Cleopatra 33.
Aðalvél bátsins er af gerðinni FPT C90 tengd ZF286IV gír.
Siglingatæki eru frá Furuno og Simrad.
Báturinn er útbúinn til línuveiða. Báturinn er einnig útbúinn fyrir lítið troll til veiða á lifandi beitu sem notuð er við línuveiðarnar.
Öryggisbúnaður bátsins er frá Viking.
Rými er fyrir 12stk 380lítra kör í einangraðri lest. Í vistarverum er svefnpláss fyrir þrjá auk eldunaraðstöðu með eldavél, örbylgjuofn og ísskáp.
Að sögn útgerðarinnar mun báturinn verða gerður út frá Noirmoutier allt árið, reiknað er með að báturinn hefji veiðar núna um miðjan marsmánuð. 2 menn verða í áhöfn.
Heimild www.trefjar.is
|
