14.04.2022 07:46

Algjört lykilatriði að hafa góða áhöfn í góðu fiskeríi

                1937 Björgvin EA 311   á togi á Eldeyjarbanka mynd þorgeir Baldursson april 2022               
af heimasiðu Samherja 

Góð ufsaveiði hefur verið að undanförnu út af Reykjanesi. Skipstjórinn á Björgvin EA 311 segir vissulega gaman að lenda í góðu fiskeríi,en það megi ekki koma niður á gæðum hráefnisins til vinnsluhúsanna. Í slíkum túrum skipti sköpum að hafa góða og samhenta áhöfn.

Oddur Brynjólfsson skipstjóri á Björgvin hefur verið til sjós í um tvo áratugi og hefur því marga fjöruna sopið. Hann segir mörg skip gerð út á ufsa þessar vikurnar svo sem á Eldeyjarbanka, enda veiðiheimildir í þorski skertar á yfirstandandi fiskveiðitímabili, miðað við árið á undan.

Stærsta holið 19 tonn

Björgvin landaði í Hafnarfirði í byrjun vikunnar og var aflanum ekið norður til Akureyrar og Dalvíkur til vinnslu.

 

Frá vinstri: Jón Baldur Agnarsson bátsmaður, Hallbjörn Hjartarson háseti, Daníel Halldórsson yfirvélstjóri, Jóhann Ólason kokkur, Davíð Eggertsson netamaður og Sigurður Guðmundsson háseti.

„Við vorum með um 125 tonn og túrinn tók þrjá og hálfan sólarhring, þannig að við vorum að veiðum í um tvo og hálfan sólarhring. Uppistaðan fékkst svo að segja á einum sólarhring og um 70 tonn af aflanum var ufsi, almennt ágætis fiskur.”

 

Ufsinn krefst þolinmæði

„Já, það voru ansi mörg skip þarna í ufsanum á tiltölulega afmörkuðu svæði. Skipin voru að draga þvers og kruss í kringum mann, þannig að það er eins gott að vera vakandi þegar þannig er. Ufsaveiðar eru um margt nokkuð spennand og krefjast vissrar þolinmæði. Stundum er dregið klukkutímum saman en lítið sem ekkert kemur í trollið en svo allt í einu hittir maður á góðar torfur og þá er eins gott að áhöfnin sé klár í törn. Í síðasta túr var stærsta holið um 19 tonn en við reynum að taka ekki of mikið í einu, þannig tekst okkur betur að hámarka gæði aflans sem er auðvitað markmiðið. Við þetta bætist líka að það er ekki auðvelt að sjá á dýptarmælum hvaða tegundir er um að ræða, það kemur bara í ljós þegar 

Stærsta holið var 19 tonn

veiðarfærin eru komin á dekkið.”

 

Valinn maður í hverju rúmi

 

“Já, það er algjört lykilatriði að hafa góðan og samhentan mannskap og sú er raunin á Björgvin, hérna er valinn maður í hverju rúmi. Björgvin er líka afskaplega gott skip, þó það sé komið nokkuð vel til ára sinna en því hefur verið haldið afskaplega vel við í gegnum tíðina. Veturinn var einstaklega erfiður veðurfarslega séð en dagatalið segir okkur að betri tíð sé í vændum og við verðum að trúa því.”

Landvinnslan þarf hráefni strax eftir páska

“Við verðum á miðunum næstu sólarhringana,þannig að landvinnslan fái hráefni strax eftir páska. Hvort við förum aftur á ufsamiðin á reyndar eftir að koma í ljós en ég tel það líklegt. Það þarf líka að taka mið af hrygningarstoppinu sem er að taka gildi,” segir Oddur Brynjólfsson skipstjóri á Björgvin EA 311.

 

Oddur Brynjólfsson skipstjóri á Björgvin EA 311
Gauti Valur Hauksson 1.stýrimaður og Jón Baldur Agnarsson bátsmaður í brúnni.

 

 

 

14.04.2022 07:08

Harðbakur EA 3 tekur trollið i Kaldafýlu á Selvogsbanka

                                        2963 Harðbakur EA 3 mynd þorgeir Baldursson 2022

                            Hleranir komnir upp verið að hifa i Grandarana mynd þorgeir Baldursson 2022

               lengjan kominn inná dekk og verið að hifa i belginn mynd þorgeir Baldursson 2022

                                                verið að hifa i belginn mynd þorgeir Baldursson 2022

                                  15- 20 m/s þegar trollið var tekið mynd þorgeir Baldursson 2022

                          Kaldafýla á miðunum þegar trollið er tekið mynd þorgeir Baldursson 2022

                             Skipverjar á Harðbak EA taka trollið á Selvogsbanka mynd þorgeir Baldursson 2022

14.04.2022 06:54

Breki Ve 61

                        2861 Breki Ve 61 á togi á Eldeyjarbanka i birjun april mynd þorgeir Baldursson 2022

14.04.2022 00:47

Baldviin Njálsson Gk 400

                           2992 Baldvin Njálsson Gk 400 Mynd þorgeir Baldursson 2022

14.04.2022 00:09

Páskastopp hjá Bergey og Vestmannaey

                             2964 Bergey Ve144 að toga á Selvogsbanka mynd þorgeir Baldursson 2022

Vest­manna­ey VE og Ber­gey VE komu til hafn­ar í Vest­manna­eyj­um á mánu­dag með full­fermi og hafa bæði skip­in gert hlé á veiðum. Vegna áhrifa hátíðanna á flutn­ing á fiski og að það sé hrygn­ing­ar­stopp til 21. apríl hef­ur verið ákveðið að halda ekki til veiða á ný fyrr en í fyrsta lagi páska­dag.

Þetta er haft eft­ir Arn­ari Rich­ards­syni, rekstr­ar­stjóra Bergs-Hug­ins, á vef móður­fé­lags­ins (Síld­ar­vinnsl­an). Hann seg­ir vertíðina hafa gengið vel til þessa og bend­ir á að það taki skip­in um tvo sól­ar­hringa að ná full­fermi og að fisk­ur­inn sé góður og verð há. Veðrið hef­ur þó truflað veiðar nokkuð í vet­ur.

Þá hélt Gull­ver NS til veiða í gær­kvöldi eft­ir viku hlé á veiðum. Gert er ráð fyr­ir að hann komi til lönd­un­ar á laug­ar­dag.

                                                 1661 Gullver Ns 12 mynd þorgeir Baldursson 2022

13.04.2022 08:11

Fjölnir Gk 157

                               1136 Fjölnir GK 157 á útleið frá Grindavik fyrir skömmu mynd þorgeir Baldursson 

13.04.2022 00:38

Helga Maria RE 1 togar i brælu

                     1868 Helga Maria Re 1 á Eldeyjarbanka i brælu mynd þorgeir Baldursson april 2022

12.04.2022 07:34

Tómas Þorvaldsson Gk 10

                                   2173 Tómas Þorvaldsson Gk 10 mynd þorgeir Baldursson 2021

06.04.2022 00:41

Aðalbjörg RE 5 kemur i land i Þorlákshöfn i dag

                 1755 Aðalbjörg RE 5 kemur til hafnar i þorlákshöfn 5 april mynd þorgeir Baldursson 

                               Landað úr Aðalbjörgu RE i gær i Þorlákshöfn mynd þorgeir Baldursson 

29.03.2022 06:00

Harðbakur EA að taka trollið í brælu

                        2963 Harðbakur EA 3 að taka trollið á mynd þorgeir Baldursson 2022

28.03.2022 22:38

Selvogsbanki skip á veiðum

              Björg EA 7 og Þórunn Sveinsdóttir Ve 401 á veiðum á Selvogsbanka mynd þorgeir Baldursson 

                                                   2964 Bergey VE 144 mynd þorgeir Baldursson 

                       1972 Hrafn Sveinbjarnarsson Gk 255 og 2963 Harðbakur EA 3 mynd þorgeir Baldursson 

28.03.2022 22:23

Gert klárt fyrir strandveiðar

Það var nóg um að vera i þorlákshöfn i dag mikið af skipum að koma inn til löndunnar vegna næstu brælu 

og voru flestir með góðan afla hinnsvegar var Gisli Unnsteinsson útgerðarmaður og eigandi 

Steinunnar Ár 34 að hifa upp bátinn sinn til að yfirfara hældrifið og skipta um oliu á þvi fyrir 

komandi strandveiðtimabil þvi að allt þarf þetta nú að vera i topplagi þegar vertiðin birjar 

 

                  Gisli Unnsteinsson eigandi að Steinunni ÁR 34. Mynd þorgeir Baldursson 28mars 2022 

                      6443 Steinunn Ár 34 hifð uppá bryggju i Þorlákshöfn i dag mynd þorgeir Baldursson 

                       6643 Steinunn Ár 34 Gisli Unnsteinsson heldur fast i spottann mynd þorgeir Baldursson 

17.03.2022 17:00

Arnar HU 1 með góðan túr úr Barentshafi

                                                   2265 Arnar Hu 1 mynd þorgeir Baldursson 2021

Frystitogarinn Arnar HU1 er á leið til hafnar á Sauðárkróki. Aflinn um borð samsvarar um 858 tonnum upp úr sjó, þar af um 736 tonnum af þorski.

Aflaverðmæti er um 465 milljónir.

Heimasíðan hafði samband við Guðjón Guðjónsson skipstjóra og spurði hann um túrinn.

„Við fórum af stað 9. febrúar. Við vorum á veiðum í Barentshafi, norður af Noregi. Veiðarnar voru svona upp og ofan og það verður landað 17.141 kassa.

Veðrið var ágætt miðað við veðrið á Íslandsmiðum undanfarna fimm vikur,“sagði Guðjón.

17.03.2022 13:47

Efast um mælingar á loðnustofninum

 

17.03.2022

Guðmundur Þ. Jónsson skipstjóri/mynd samherji.is

                                                                 Guðmundur Þ. Jónsson skipstjóri/mynd samherji.is

“Ég hreinlega man ekki eftir svona tíðarfari, það hafa verið svo að segja látlausar brælur á miðunum frá því loðnuveiðar með nót hófust í byrjun febrúar með tilheyrandi erfiðleikum og barningi,“ segir Guðmundur Þ. Jónsson skipstjóri á Vilhelm Þorsteinssyni EA 11, sem hefur vissar efasemdir um að mælingar á loðnustofninum hafi gefið rétta mynd af stærðinni. Hann segir að öflugur skipafloti hafi skipt sköpum á vertíðinni, regluleg endurnýjun sé nauðsynleg.

Mikil áta í sjónum þegar mælt var

Leyfilegur heildarafli íslensku loðnuskipanna er hátt í 700 þúsund tonn og eru um 200 þúsund tonn nú óveidd. Guðmundur skipstjóri efast um að flotanum takist að fullnýta veiðiheimildirnar, þrátt fyrir erfiðleikana sé stórri vertíð að ljúka með tilheyrandi atvinnusköpun og gjaldeyristekjum í þjóðarbúið.

„Þessi vertíð er líklega á lokametrunum, kannski er bara einn túr eftir, mesta lagi tveir. Annars var að sjást einhver loðna við Vestmannaeyjar í tækjunum, kannski er hún eitthvað seinna á ferðinni en undanfarin ár, það kemur þá fljótlega í ljós. Ég er farinn að efast um að upphaflegar mælingar hafi gefið raunsanna mynd af stærð stofnsins. Það var mikil áta í sjónum þegar mælt var, sem hugsanlega leiddi til þess að stofninn var álitinn stærri, menn hafi einfaldlega álitið átuna vera loðnu.

 

Vilhelm Þorsteinsson á miðunum

 

 Hitastig sjávar er ósköp svipað og líka straumarnir, þessir þættir hafa líka áhrif á stóru myndina. Ég er svo sem ekki með neina einhlíta skýringu á þessu en er farinn að hallast að því að mælingarnar hafi hugsanlega verið eitthvað skakkar.“

Loðnan hagar sér oft undarlega

Loðnuhrognin eru verðmætustu afurðirnar. Guðmundur segir ástandið á loðnunni mjög mismunandi milli veiðisvæða með tilliti til hrognavinnslu.

„Já, en svona er þetta. Það var ekki mikið af hrognum í loðnunni í Faxaflóa

 í síðustu viku, staðan var betri við Vestmannaeyjar. Annars hagar loðnan sér oft á tíðum undarlega og svo bætist líka við að hvalurinn hefur verið að gera okkur erfitt fyrir, hvalastofnarnir stækka ár frá ári.“

Vilhelm Þorsteinsson EA hefur reynst vel

Vilhelm Þorsteinsson EA er tæplega eins árs gamalt skip og er afar fullkomið. Guðmundur segir að Vilhelm hafi reynst afskaplega vel á þessu fyrsta ári.

„Við höfum fiskað um 75 þúsund tonn á þessu fyrsta ári, þar af er loðna um 30 þúsund tonn. Skipið fer vel með áhöfnina og allur búnaður er fyrsta flokks. Fyrir okkur Íslendinga skiptir miklu máli að skipaflotinn sé sem öflugastur, það hefur sannast ágætlega á þessari vertíð, sem er senn á enda.“

Kolmunnavertíðin að hefjast

Næsta vertíð er rétt handan við hornið, kolmunnavertíðin.

„Já, sú vertíð hefst væntanlega 10. apríl, þannig að það er skammt á milli vertíða hjá okkur. Ég enda þessa stóru loðnuvertíð þokkalega sáttur, það er ekki annað hægt. Því er hins vegar ekki að neita að maður var bjartsýnni í upphafi en svona er þetta bara. Við skipstjórarnir höfum náttúrulega ýmislegt um að ræða í talstöðinni þessa dagana varðandi uppgjör á vertíðinni. Náttúran er óútreiknanleg og maður nær ekki að skilja alla þætti hennar, þótt tækninni hafi fleygt fram á undanförnum árum og skipaflotinn orðið betri. Meðal annars þess vegna er sjómennskan svo heillandi. Það styttist sem sagt í að maður gleymi loðnu og hugsi dag og nótt um kolmunna,“ segir Guðmundur Þ. Jónsson skipstjóri á Vilhelm Þorsteinssyni EA.

 

                                                            Vilhelm Þorsteinsson er eitt glæsilegasta og öflugasta fiskiskip íslenska flotans

        AF  heimasiðu Samherja www.samherji.is

16.03.2022 22:31

Bræluskitur allann túrinn

?????

 

                                  1833 Málmey Sk 1 mynd þorgeir Baldursson 
                         Þorarinn Hlöðversson skipst á Málmey Sk 1 mynd þorgeir Baldursson 

Málmey SK1 kom til hafn­ar á Sauðár­króki í dag með um 150 tonna afla og var uppistaða hans þorsk­ur og ufsi.

„Við vor­um fjóra sól­ar­hringa á veiðum og vor­um á Eld­eyj­ar­banka, Jök­ul­dýpi og Reykja­fjarðarál. Veiðarn­ar gengu þokka­lega vel.

Veðrið hef­ur verið frek­ar leiðin­legt, 15-22 m/?s all­an túr­inn,“ seg­ir Þór­ar­inn Hlöðvers­son, skip­stjóri á Málmey, í færslu á vef FISK Sea­food sem ger­ir skipið út.

Málmey kom síðast til hafn­ar 10. mars en þá á Grund­arf­irði með um 100 tonn af þorski og ufsa, en þá hafði skipið aðeins verið um tvo sól­ar­hringi á veiðum á Jök­ul­dýpi og á Eld­eyj­ar­banka.

„Fiski­ríið var mjög gott en veðrið var frek­ar ri­sjótt,“ sagði Þór­ar­inn um þá veiðiferð.

Eldra efni

Um mig

Nafn:

Þorgeir Baldursson

Farsími:

8620479

Heimilisfang:

Reynihlið 15 D 604 Hörgárbyggð

Staðsetning:

Hörgárbyggð

Um:

Fréttaritari Morgunblaðsins til sjávar og sveita og öll Almenn Ljósmyndun sem að tengist Sjávarútvegi

Tenglar

Flettingar í dag: 586
Gestir í dag: 93
Flettingar í gær: 546
Gestir í gær: 102
Samtals flettingar: 557318
Samtals gestir: 20936
Tölur uppfærðar: 19.3.2024 10:03:06
www.mbl.is