Gletta EA á Hauganesi

Gletta EA á Hauganesi i dag 15 mai 2022 mynd þorgeir Baldursson                                           Gletta EA Mynd Þorgeir Baldursson 15 mai 2022                                                      Gletta EA mynd þorgeir Baldurssson 2022                                                   Gletta EA mynd þorgeir Baldursson 2022

Gletta EA.
Stærð um 2,00 brl. Smíðaár óþekkt. Krossviður. Opinn súðbyrðingur. Vél 10 ha. SABB.

Bátur þessi stendur nú fyrir framan veitingastaðinn Bakkalá á Hauganesi.

Það litla sem um bátinn er vitað er að frá Húsavík kom hann hér í Eyjafjörðinn.

Á Húsavík var báturinn í eigu Helga Jónssonar sem seldi hann Þórólfi Þorsteinssyni á Svalbarðseyri.

Árni Ólason á Hauganesi keypti bátinn af Þórólfi og lét smíða á hann stýrishús sem staðsett var aftan miðju bátsins.

Frá Árna fór báturinn til Halldórs Gunnarssonar, Hauganesi og frá Halldóri til Júlíusar Steingrímssonar, mjólkurbílstjóra.

Á Dalvíkurárunum var báturinn kallaður "Ostur." eða "Osturinn."

Júlíus smíðað nýtt stýrishús á bátinn úr trefjaplasti og valdi því stað framan miðju.

Örn Viðar Einarsson, Hauganesi keypti bátinn frá Dalvík en næsti eigandi hans var Örn Traustason, Hauganesi.

Flest öll bönd bátsins voru endurnýjuð er báturinn var í eigu Arnar Traustasonar.

Núverandi eigandi bátsins er Elvar Reykjalín, Hauganesi og er hann nú að finna, árið 2022, framan við veitingastaðinn Bakkalá á staðnum.

Þrátt fyrir mikla leit að þeim sem smíðaði bátinn þá hefur ekki tekist að finna hann.

Sagnir herma þó að smiður þessi hafi smíðað annan bát nákvæmlega eins og úr sama efni.

Hafa skal á bak við eyrað að þó að báturinn sé hér flokkaður með bátum smíðuðum á Eyjafjarðarsvæðinu þá kemur einnig til greina að svo hafi ekki verið en ætla má þó að norðanlands sé hann smíðaður.

Viti einhver eitthvað meira um bát þennan þá eru upplýsingar vel þegnar.

Heimildir. Fyrri eigendur.