Það var sannkölluð rjómablíða þegar nýtt og glæsilegt Hoffell sigldi inn fjörðinn rétt fyrir kl 10:00 í morgun.
Í dag kl. 14:00 verður móttökuathöfn við Bæjarbryggjuna þar sem hið glæsilega skip verður blessað og því gefið nafn. Að athöfn lokinni verður skipið til sýnis og eru allir velkomnir. Sjómenn úr áhöfninni munu fara um skipið með gestum.
Við hvetjum Fáskrúðsfirðinga ásamt íbúum Fjarðabyggðar og aðra gesti til að koma og samgleðjast með okkur á þessum stóru tímamótum í sögu fyrirtækisins.
Hér siglir skipið inn fjörðinn ný málað og glæsilegt með fajllið Hoffell í baksýn. Ljósmynd: Valgeir Mar Friðriksson.Fákrúðsfjörður skartar sínu fegursta er hann tekur á móti glæsilegu uppsjávarskipi Loðnuvinnslunnar. Ljósmynd: Valgeir Mar Friðriksson. 3035 Hoffell Su 80 Ljósmynd: Valgeir Mar Friðriksson.Ljósmynd: Óskar Þór GuðmundssonLjósmynd: Óskar Þór Guðmundsson
Gardar H-34-AV mynd að vef Vinnslustöðvar vestmannaeyja
Stjórn Vinnslustöðvarinnar í Vestmannaeyjum hefur samþykkt að kaupa uppsjávarskipið H-34-AV Gardar af norsku útgerðarfyrirtæki og bæta þar með við fjórða skipinu í uppsjávarflota sinn. Þar eru fyrir Huginn, Ísleifur og Kap.
Skipið fer nú i slipp í Danmörku til hefðbundinnar skoðunar vegna eigendaskipta. Að öllu óbreyttu kemur það til nýrrar heimahafnar í Vestmannaeyjum undir lok júnímánaðar og verður gert klárt til makrílveiða.
Skipstjóri verður Jón Atli Gunnarsson núverandi skipstjóri á Kap VE.
2730 Margret EA710 mynd þorgeir Baldursson
2730 Beitir Nk 123 mynd þorgeir Baldursson
Garðar á sér sögu á Íslandi, annars vegar sem Margrét EA í eigu Samherja og hins vegar sem Beitir NK í eigu Síldarvinnslunnar. Skipið var selt úr landi en núverandi heimahöfn er Björgvin í Noregi.
Garðar er liðlega 70 metra langur og 13 metra breiður. Lestarpláss er 2.100 rúmmetrar.
Sindri Viðarsson, sviðsstjóri uppsjávarsviðs Vinnslustöðvarinnar, fór á dögunum ásamt fleirum fulltrúum fyrirtækisins til Skagen í Danmörku til að skoða Garðar þegar hann kom þangað til löndunar:
„Okkur leist strax afar vel á enda er þetta hörkuskip sem búið er að endurnýja margt í og gera mikið fyrir. Aðalvélin er til dæmis ný, afar hagkvæm í rekstri og togkraftur er mikill.
Það er búið að fara yfir kælikerfi og lestar, blökkin er ný og skipið lítur í alla staði vel út.“
Sighvatur Bjarnason VE. Mynd/Óskar P. Friðriksson
Eins segir af skipamálum Vinnslustöðvarinnar að Sighvatur Bjarnason VE hefur verið seldur úr landi.
Fjöldi mynda af skipinu eru birtar í frétt Vinnslustöðvarinnar - sjá hér.
Samey Robotics undirritaði tvo samninga þann 10 á lokadegi sýningarinnar
við Jakob Valgeir ehf í Bolungarvík og Arctic Fish á Íslensku sjávarútvegssýningunni í Smáranum í Kópavogi.
Kristján Karl Aðalsteinsson á bás Sameyjar mynd þorgeir Baldursson 2022
Frá undirritun samnings Samey Robotics og Arctic Fish. Aðsend mynd
Jakob Valgeir ehf. fjárfestir í róbotakerfum fyrir hátæknifiskvinnslu sína í Bolungarvík sem er búin að vera í stöðugum vexti í mörg ár.
„Þessi lausn mun sjá um að pakka frosinni afurð í umbúðir fyrir útflutning og mun straumlínulaga alla pökkun.
Kerfið er hannað til að vaxa með aukinni framleiðslu Jakobs Valgeirs og auðvelt er að bæta við kerfið samhliða auknum vexti fyrirtækisins
” segir Jón Ragnar Gunnarsson, sölustjóri Samey Robotics ehf á Íslandi.
Jón Ragnar hjá Samey og Guðbjartur Flosason frá Jakob Valgeir handsala samninginn. Aðsend mynd
Samey Robotics og Arctic Fish undirrituðu einnig tímamótasamning í dag en þar er um að ræða kerfi sem getur staflað allri framleiðslu Arctic Fish á laxi í Bolungarvík á bretti með tveimur sjálfvirkum róbotakerfum.
„Samkvæmt útreikningum okkar verða þá fleiri róbotar að störfum í Bolungarvík en í nokkru öðru bæjarfélagi í heimi miðað við höfðatölu og setur það Bolungarvík í fremstu röð umbreytinga í átt að hátækni samfélagi með betri störf og meiri framleiðni" segir Kristján Ármannsson stjórnandi vélahönnunnnar hjá Samey Robotics.
Leiðandi í yfir 32 ár
Samey Robotics hefur í yfir 32 ár verið leiðandi í sjálfvirknivæðingu íslensks iðnaðar og brautryðjandi í notkun róbota/þjarka í sjálfvirkni. Samey Robotics hefur með þessum lausnum aðstoðað fjölda fyrirtækja til lands og sjávar á farsælan og árangursríkan hátt við að auka framleiðni og rekstrarhagkvæmni. Á sjötta hundrað verksmiðjur og vinnslur í 25 löndum starfa í dag með kerfum frá Samey Robotics.
Verkefnastaðan hjá Samey Robotics er góð og yfir 40 róbotar í pöntun hjá fyrirtækinu.
„Við horfum björtum augum fram á veginn og búum að því að vera með flottasta starfsfólk í sjálfvirkni á Íslandi – Við erum og ætlum áfram að vera leiðandi afl í sjálfvirkni á Íslandi” segir Kristján Karl Aðalsteinsson sölustjóri Samey Robotics ehf.
