Góð loðnuvertíð virðist nú vera á enda runnin. Flest loðnuskipin eru hætt veiðum. Ásgrímur Halldórsson SF frá Hornafirði er þessa stundina að fikra sig austur með suðurströndinni á heimleið. Að sögn Ásgeirs Gunnarssonar útgerðarstjóra Skinneyjar-Þinganess er hann með aðeins 100 tonn í lest eftir þrjá daga.

,,Þetta virðist vera búið nema einhver loðna komi vestan að. Það litla sem fengist hefur að undanförnu er kolsvartur og loðinn karl. Annars hefur vertíðin verið ágæt þótt veðráttan hafi verið erfið og innsiglingin hingað til Hornafjarðar verið til trafala. Hún lokaðist í viku á hrognatímabilinu og á meðan lönduðum við í Vestmannaeyjum og á Hornafirði," sagði Ásgeir, en Skinney-Þinganes á 1.800 tonn eftir af loðnukvóta sínum.

Samkvæmt aflastöðulista Fiskistofu eru 13.000 tonn óveidd af heildarloðnukvótanum. 

• Griðarlega góður gangur hjá norskum linubátum sem að smiðaðir eru á Islandi hvert aflametið af öðru fellur Saga K var smiðuð hjá Seiglu á Akureyri og Ásta B hjá Trefjum i Hafnarfirði

  Það er fyrirtækið Eskoy A/S sem að gerir út bátana og eru allflestir áhafnarmeðlimir islenskir 

  og hér fyrir neðan má lesa umsagnir og aflatölur fyrir þessa tvo fyrstu mánuði ársins 2012

• Åsta B Eskøy

  Nú er búoð að gera upp Janúar og er öll met slegin sem hægt er að slá (Fyrir utan auðvitað Saga K Eskoy árangur. En í Janúar lágu 187.5 tonn og þar af voru tæp 152 tonn ýsa. Þakka Sigvaldi Þorsteinsson, Hilmar Þór Hilli, Elías, Hrafn Sigvaldason og Valur Svavarsson fyrir þennan frábæra árangur.

  Skoða innlegg · 31. janúar kl. 14:52 · 
• 

  Saga K Eskoy

  Jæja fyrsta úthaldi og fyrsta mánuði um borð í Saga K Eskoy lokið og það getur enginn kvartað yfir því,202 tonnum landað(165 tonn ýsa,20 tonn þoskur,15 keila og einhvað mix).og fer þessi mánuður í sögubækurnar sem nýtt noregsmet á þessum stærð báta og auðvitað eru allir glaðir,sáttir og sælir með það,en núna verða áhafna skifti nema capteinn Helgi Sigvaldason heldur áfram,en Ásgeir Ásgeirsson Valdimar Kjartansson ogValur Svavarsson methafar þakka fyrir sig að sinni og óska næstu áhöfn alls góðs,sömuleiðis þökkum við Sævar Þór Ásgeirsson fyrir sinn hlut í þessu meti..þeir fiska sem róa....

  
  

Eldur kviknaði í Kópi BA-175 er hann lá við bryggju á Tálknafirði í morgun. Fjórir menn voru að vinna um borð og sluppu þeir allir ómeiddir. Eldurinn kviknaði á milli þilja í einangrun og mynduðust eitraðar loftgufur um borð.

Mennirnir komust fljótt frá borði og kölluðu til slökkvilið Patreksfjarðar, Bíldudals og Tálknafjarðar. Slökkviliðsstjórinn, Davíð Rúnar Gunnarsson, segir að eldurinn hafi ekki verið mikill en mjög erfitt hafi verið að komast að honum. Skemmdir eru ekki ljósar á þessari stundu en slökkvilið er enn að störfum. www.mbl.is