Heiðrun aldraðra í Grindavík

Á sjómannadaginn í Grindavík voru þeir Halldór Ingólfsson, matsveinn á Verði EA, Ölver Skúlason, fyrrum skipstjóri á Geirfugli GK og Jón Ragnarsson fyrrum skipstjóri á Verði ÞH. Þeir eru hér á myndinni eftir athöfnina ásamt eiginkonum sínum og Ólafi Erni Ólafssyni bæjarstjóra sem heiðraði þá fyrir hönd Sjómanna- og vélstjórafélag Grindavíkur.

Ljósm: Kristinn Benediktsson.

                              Hátið Hafsins i Reykjavik © Mynd Hilmar Snorrasson 2010

   Færeyska skútan Westward HO TN 54 © mynd Hilmar Snorrasson
þarna siglir sú færeyska inn til hafnar i Reykjavik

                           Heiðraðir á sjómannadaginn © Mynd þorgeir Baldursson
þeir sem að voru Heiðraðir i dag voru Sigurður Hallgrimsson og Knútur Eiðsson
 en það var Konráð Alfreðsson sem að sæmdi þá þessum verðlaunum

                    mikil traffik á pollinum i dag © mynd þorgeir Baldursson

                        Bátar af öllum stærðum og gerðum © mynd þorgeir Baldursson 2010

                  Á milli 50-60 Bátar fylgdu Húna 2 eftir inná pollinn © mynd þorgeir Baldursson

                        Áhöfn Oddeyrarinnar EA 210 © mynd þorgeir Baldursson 2010

                      Freyr skipst Oddeyrainnar tekur á stóra sinum © mund þorgeir Baldursson

                                            Sjómenn Islands © Mynd Þorgeir Baldursson
Minar bestu hamingjuóskir með sjómannadaginn til allra þeirra sem að heimsækja siðuna

Sjómannadagsblað Grindavíkur 2010 komið út

Sjómannadagsblað Grindavíkur 2010 er komið út veglegt að vanda fullt af myndum og efni sem tengist sjósókn og mannlífi í Grindavík á ýmsum tímaskeiðum síðast liðin hundrað og fimmtán árin auk þess sem byrjað er að rifja upp skip og báta á Suðurnesjum. Blaðinu verður að þessu sinni dreift í verslanir víða um land þar sem brott fluttir Grindvíkingar og aðrir þeir sem vilja fylgjast með efni sem tengist sjávarútvegi á landsbyggðinni geta nálgast það.

Í blaðinu er viðtal við Þórð Pálmason skipstjóra á Jóhönnu Gísladóttur ÍS 7, flaggskipi Vísis hf., sem Kristinn Benediktsson, ritstjóri, tók en hann fór með í sjóferð í vetur. Þórður hefur frá mörgu skemmtilegu að segja en hann hefur verið til sjós í um fimmtíu ár þar af 25 ár á Grindavíkurbátum, Höfrungi II. GK, Hrungni GK og Jóhönnu Gísladóttur ÍS.

Á sínum stað í blaðinu eru myndir og frásögn frá síðasta sjómannadegi og heiðrun sjómanna. Þá er myndasýning frá Ólafi Rúnari Þorvaldssyni fyrrum kennara í Grindavík, aldamótaræða Einars G. Einarssyni kaupmanns í Garðhúsum en handritið kom nýlega fram í dagsljósið. Haraldur Hjálmarsson háseti á Oddgeiri sýnir okkur frábærar myndir úr myndasafni sínu í Ljósmyndagalleríi blaðsins. Þá er farið í grásleppuróður með Hafsteini Sæmundssyni, 74 ára trillukarli, og Heimi syni hans. Viðtal við Sigurð Þorláksson, stýrimann frá Vík, grein Sveins Torfa Þórólfssonar frá humarróðri um 1960 með Gvendi Karls, greint frá söltunarmeti á síld sem aldrei verður slegið og skoðað inn á bátasíðu Emils Páls ritstjóra epj.is auk fleira efnis en blaðið er 100 síður smekkfullt af frábæru efni.

Á forsíðumyndinni má sjá Val Ólafsson stýrimann á Maron GK takast á við sannkallaðan aulaþorsk á netarúllunni sem dreginn var í Flóanum í apríllok utan við friðunarlínu Hafrannsóknarstofnunar vegna veiðibannsins á hrygningartímanum.

Sjómannadagsblað Grindavíkur kom fyrst út 1989 og í vetur voru öll eldri tölublöð gerð aðgengileg á heimasíðu Sjómanna- og vélstjórafélags Grindavíkur, svg.is sem gefur blöðin út. Ritstjóri blaðsins er Kristinn Benediktsson en hönnun og prentvinnan var í höndum Stapaprents í Reykjanesbæ.
blaðinu hefur verið dreift hjá pennanum /eymundsson