Þrjú skip fengu góðan loðnu­afla djúpt út af Bjargtöng­um í gær. Guðmund­ur Hug­inn Guðmunds­son, skip­stjóri á Hug­in VE, tel­ur all­ar lík­ur á að um vestang­öngu sé að ræða, en þá geng­ur loðnan suður með Vest­fjörðum.

„Það er mynd­ar­leg hrygna fremst í þess­ari göngu og þroski hrogn­anna góður. Jap­ansk­ur eft­ir­litsmaður hér um borð er mjög ánægður með loðnuna og við höf­um ekki fengið eins mikið af hrogn­um í vet­ur eins og út úr þessu kasti,“ sagði Guðmund­ur, en hrogn­in vinna þeir og frysta um borð.

Þetta var síðasta kast þeirra á Hug­in á vertíðinni þar sem kvót­inn náðist með því. Einnig voru Heima­ey VE og græn­lenska skipið Qa­vag á sömu slóðum. Eft­ir er að veiða 5-6 þúsund tonn af 200 þúsund tonna loðnu­kvóta, að því er fram kem­ur í Morg­un­blaðinu í dag.

Huginn ve 55 á loðnumiðunum Mynd þorgeir Baldursson

Örfirsey RE 4 Mynd þorgeir Baldursson 2016

„Við höf­um svo til ein­göngu haldið okk­ur á djúp­slóð all­an túr­inn og leit­in hef­ur fyrst og fremst beinst að djúpkarfa. Það er góð spurn eft­ir hon­um um þess­ar mund­ir. Veiðin hef­ur gengið ágæt­lega og við stefn­um að því að koma til hafn­ar í Reykja­vík nk. mánu­dag,“ er haft eft­ir Ævari Jó­hann­es­syni, skip­stjóra á frysti­tog­ar­an­um Örfiris­ey RE, á vef HB Granda.

Rætt var við Ævar nú síðdeg­is, en Örfiris­ey fór í veiðiferðina fljót­lega eft­ir að sjó­manna­verk­fall­inu lauk fyr­ir mánuði og hef­ur skipið komið einu sinni inn til milli­lönd­un­ar á þeim tíma.

Afl­inn upp úr sjó í veiðiferðinni var í dag orðinn um 760 tonn og hann sagðist því reikna með því að heild­artal­an yrði ríf­lega 800 tonn þegar siglt yrði til hafn­ar.

„Við byrjuðum túr­inn á Eld­eyj­ar­bank­an­um fljót­lega eft­ir að loðnan var geng­in þar yfir og þar feng­um við stór­an og góðan þorsk. Í fram­hald­inu færðum við okk­ur út í Skerja­djúpið þar sem leitað var að djúpkarfa. Afla­brögðin voru góð en auk djúpkarfa var afl­inn gulllax og dá­lítið af ufsa,“ seg­ir Ævar.

Á hött­un­um eft­ir djúpkarfa og gulllaxi

Tog­ar­inn var síðdeg­is í dag kom­inn á svæðið djúpt vest­ur af Látra­bjargi.

„Það brældi syðra og við færðum okk­ur því hingað norður eft­ir. Sem fyrr eru það djúpkarfi og gulllax, sem við erum á hött­un­um eft­ir, en einnig grá­lúða. Það hefði reynd­ar mátt ganga bet­ur á grá­lúðuveiðunum en það er eins og göng­urn­ar eða ætið vanti. Hita­skil eru hér úti um allt og við erum bún­ir að draga eft­ir þeim. Við átt­um von á meiru, til dæm­is út af Hampiðju­torg­inu, en það gekk ekki eft­ir. 

Svipaða sögu er að segja af grá­lúðuveiðum víðar. Höfr­ung­ur III AK byrjaði til dæm­is í Seyðis­fjarðar­djúp­inu eft­ir verk­fall og fékk þá góðan grá­lúðuafla í fyrstu hol­un­um. Síðan tregaðist afl­inn og mér skilst á skip­stjór­um annarra skipa að það sé lítið af grá­lúðu að hafa fyr­ir aust­an um þess­ar mund­ir. Svo er það norðurkant­ur­inn en þar hef­ur lengst af verið ótíð,“ seg­ir Ævar, sem kvart­ar þó ekki und­an veðrátt­unni.

„Við höf­um reynd­ar verið mest á suðurmiðum en það hef­ur ekki einn ein­asti dag­ur fallið úr hjá okk­ur á veiðum í þess­um túr. Það er ekki oft sem það ger­ist í fe­brú­ar og mars.“????

AF vef Hb granda 

Nýverið var undirritaður samningur um smíði á nýjum og öflugum dráttarbáti fyrir Hafnasamlag Norðurlands en báturinn verður staðsettur á Akureyri.

Lengi hefur verið brýn þörf á nýjum og öflugri dráttarbáti en þeim tveimur sem Hafnasamlag Norðurlands hefur yfir að ráða. Hinn væntanlegi dráttarbátur verður 22 m langur, 9 m breiður og mun hafa 41. tonna togkraft samanborið við 11,2 tonna togkraft sem stærri dráttarbátur Hafnasamlagsins, Sleipnir, býr yfir.

Skemmtiferðaskipum sem hafa viðkomu á Akureyri og í öðrum höfnum á Norðurlandi hefur fjölgað mjög á undanförnum árum og jafnframt hafa skipin stækkað umtalsvert frá því sem áður var. Einnig koma stór olíuskip reglulega til Akureyrar. Að öllu samanlögðu kalla fleiri og stærri skip á að til staðar sé mun öflugri dráttarbátur en Hafnasamlag Norðurlands ræður yfir í dag.

Einnig mun hinn nýi dráttarbátur verða mikilvægt öryggistæki fyrir skip og báta við Norðurland, að því ógleymdu að hann mun jafnframt þjóna stórskipahöfninni á Bakka á Húsavík og er samvinna milli hafnanna nú þegar hafin.

Nýr dráttarbátur fyrir Hafnasamlag Norðurlands hefur verið inni á Samgönguáætlun 2016-2018. Smíði hans er styrkt af hluta af Hafnabótasjóði. Í ljósi þess að á fjárlögum fyrir árið 2016 var samþykkt fjárveiting til smíðinnar var það sameiginleg niðurstaða Hafnasamlags Norðurlands og Vegagerðinnar að fela Ríkiskaupum útboð á smíðinni á Evrópska efnhagssvæðinu. Ríkiskaup vann útboðsgögn og auglýsti smíði bátsins í sumarbyrjun 2016.

Verkfræði- og ráðgjafarfyrirtækið NAVIS ehf. annaðist hins vegar þarfalýsingu smíðinnar. Átta tilboð bárust í smíðina og voru þau opnuð í nóvember sl. Hagstæðasta tilboðið átti spænska skipasmíðastöðin Armon í Navia á Spáni upp á 3,8 miljónir evra. (um 430 millj. ísl. króna á núverandi gengi). Gert er ráð fyrir að smíðin taki fjórtán mánuði og því má ætla að dráttarbáturinn komi til Akureyrar í sumarbyrjun 2018.

Smíðasamningarnir voru undirritaðir á veitingastaðnum 1862, í Menningarhúsinu Hofi 9. mars sl. 

Frá Undirritun Samningsins i Hofi mynd þorgeir Baldursson 2017                    Svona litur hann út Mynd þorgeir Baldursson 2017