Dýrasta snekkja heims kostar hvorki meira né minna en 4,8 milljarða dollara. Hún er gullhúðuð frá toppi til táar.

Það eru ekki margir sem sjá fram á að þéna 4,8 milljarða dollar á starfsferlinum. Í Malasíu er þó auðjöfur sem telur slíka upphæð ekki mikið tiltökumál. Sá á dýrustu snekkju heims og er kostar báturinn litla 4,8 milljarða dollara. Það þarf þó ekki að undra að snekkjan kosti sitt enda er hún húðuð gulli.

Snekkjan heitir History Supreme og er 100 fet á lengd. Hún er því engin smásmíði og er að auki skreytt 100.000 kílóum gulls og platínums. Snekkjan var framleidd af breska fyrirtækinu Starf Hughes and Company og tók meira en þrjú ár að ljúka smíðinni.

Svo verð snekkjunnar sé sett í samhengi má geta þess að hún er fimmfalt dýrari en næstdýrasta snekkja heims. Sú er 800 milljón bandaríkjadala virði og er í eigu rússneska milljarðamæringsins Roman Abramovich. Þetta kemur fram á vefsvæðinu celebritynetworth.com.

Hvað varðar stærð, tól og tæki er munurinn á þessum tveimur snekkjum ekki mikill, sé litið hjá gullhúð þeirrar fyrrnefndu. Gull er þó varla það merkilegasta sem finna má um borð í skipinu en meðal þess sem skreytir svefnherbergið er raunverulegt bein úr Grameðlu (Tyrannosaurus Rex). Sjón er sögu ríkari og eru meðfylgjandi myndir af snekkjunni rándýru.

08. jún. 2012

Almannavarnanefnd Þingeyinga og embætti Lögreglustjórans á Húsavík standa fyrir sjóslysaæfingu á Skjálfanda og á Húsavík laugardaginn 9. júní nk. í samstarfi við almannavarnadeild ríkislögreglustjóra og Landhelgisgæsluna.  

Æfð verða viðbrögð við bruna um borð í hvalaskoðunarskipi.  Markmið æfingarinnar eru einkum að prófa nýja viðbragðsáætlun sem ber yfirskriftina: "Sjóslys á Skjálfanda: Hópslys á Húsavík - hvalaskoðunarbátar og önnur farþegaskip".  Fjarskiptamál verða könnuð sérstaklega ásamt flæði þolenda frá slysstað á sjúkrahús.  Þá er það meginmarkmið að kanna hvort viðbragðsaðilar í umdæmi lögreglunnar á Húsavík hafi nægar bjargir til að takast á við hópslys á sjó.

Undirbúningur æfingarinnar hefur staðið yfir um nokkra hríð og byggir á skipulagi og fræðslu fyrir þátttakendur en það eru lögregla, slökkvilið, björgunarsveitir, deildir Rauða kross Íslands og Heilbrigðisstofnun Þingeyinga.  Samráðshópur áfallahjálpar í umdæminu mun einnig taka þátt í æfingunni.  Fræðslan er í höndum ráðgjafa frá almannavarnadeild ríkislögreglustjóra, Landhelgisgæslu, Sjúkrahúsinu á Akureyri, Slökkviliði Akureyrar, Slökkviliði höfuðborgarsvæðisins, Lögreglunni á Akureyri, Rauða krossi Íslands og Slysavarnafélaginu Landsbjörg.  Neyðarlínan mun sjá um boðun viðbragðsaðila til æfingarinnar og verður boðunaræfing haldin fimmtudaginn 7. júní nk. 

Sjóslysaæfingin verður sett í íþróttahöllinni á Húsavík kl. 9.00 að morgni laugardagsins 9. júní og er gert ráð fyrir að rýnifundur vegna æfingarinnar hefjist að henni lokinni kl. 13.30 sama dag.  Söfnunarsvæði slasaðra verður í húsnæði Björgunarsveitarinnar Garðars en jafnframt verður fjöldahjálparstöð opnuð í Borgarhólsskóla.

Búast má við að umferð um hafnarsvæðið verði takmörkuð meðan á æfingu stendur.