Slökkvilið Akureyrar kom i veg fyrir sýruleka

Malik Arctica við bryggju á Akureyri i morgun mynd þorgeir Baldursson

Slökkviliðið á Ak­ur­eyri kom í veg fyr­ir sýruleka eft­ir óhapp um borð í skipi í gær. Verið var að hífa upp gám með fos­fór­sýru er hann slitnaði frá og lenti aft­ur í skip­inu.

„Það var ekki al­veg vitað fyrst hvort það væri að leka úr gámn­um eða ekki en það benti allt til þess þannig að það var allt ræst út hjá slökkviliðinu,“ seg­ir Jó­hann Þór Jóns­son, verk­efna­stjóri hjá slökkviliðinu á Ak­ur­eyri.

Búið er að dæla úr tank­in­um og koma sýrunni fyr­ir á ör­ugg­um stað en að sögn Jó­hanns er fos­fór­sýra mjög æt­andi og get­ur myndað gas­ský sem get­ur farið um allt, „og er mjög hættu­legt“.

Slökkviliðsmenn eru nú að hefja vinnu við að hífa skemmda tank­inn úr skip­inu og koma hon­um fyr­ir á ör­ugg­um stað.

Útkallið kom kl. 13:36 í gær og hafa slökkviliðsmenn verið á fullu við vinnu síðan, en að sögn Jó­hanns ættu þeir að klára verkið á næstu tveim­ur tím­um.

Siðustu viðbragðsaðilar voru að fara af vettvangi nú um Hádegisbil