Færslur: 2010 September

25.09.2010 11:46

1278- Bjartur Nk 121


                            1278-Bjartur Nk 121 © mynd þorgeir Baldursson 2010

                           Bjartur NK 121 á siglingu á Eyjafirði mynd þorgeir Baldursson 2010

                         1278-Bjartur á Heimleið úr slipp © mynd þorgeir Baldursson 2010
Einn af elstu skuttogurum landsins Bjartur Nk 121 hefur verið i slipp á Akureyri undanfarið þar sem að unnið hefur verið að ýmsum lagfæringum sem að tilheyra slippvinnu skipið er smiðað i Japan 1973 og hefur alla tið reynst mikið happa skip og aflað vel fyrir útgerðina sem að er Sildarvinnslan i Neskaupstað www.svn.is og mun skipið vera að koma til hafnar á Neskaupstað nú um Hádegisbilið

25.09.2010 01:39

siðutogarjaxlar Akureyri 2010


                                Ragnar og Jónas báru krans © mynd þorgeir Baldursson 2010

                     Ragnar ,Jónas og séra Gunnlaugur Garðarsson mynd þorgeir Baldursson

                        Um 200 manns samankominn © mynd þorgeir Baldursson

                            Sæmi Páls aðalsprautan i samkomunni © mynd þorgeir Baldursson

                 Björgvin Sigurjóns gaf björgvinsbelti Steini Pé tók á móti ©Mynd þorgeir Baldursson

                           Kjartan Ásmunds og Sæmi Páls © mynd þorgeir Baldursson 2010

SJÓMENNSKAN

 

myndat.

Ragnar Franzson og Jónas Þorsteinsson í hátíðarathöfn í Glerárkirkju. Þeir lögðu blómsveig að minnisvarða um drukknaða sjómenn.

 

Sæmundur Pálsson í hátíðarmálsverði togarajaxlanna í matsal Brims.

 

Eins og sjá má var fjölmennt á hátíðinni og margir að hittast í fyrsta sinn frá síðutogaraárunum. Myndir: Þorgeir Baldursson

 

Gamlir síðutogarasjómenn hittust á Akureyri í sumar:

Orðlaus yfir þátttökunni og hvernig til tókst

- segir Sæmundur Pálsson, sem skipulagði viðburðinn - ráðgert að endurtaka leikinn að ári

"Ég er eiginlega bara orðlaus enn. Þetta tókst framar öllum vonum," segir Sæmundur Pálsson, togarasjómaður til fjölda ára, sem hafði veg og vanda af því að koma á fót hátíð í sumar fyrir þá sjómenn sem á sínum tíma voru á íslensku síðutogurunum. Í stuttu máli sagt var sem eldur færi um sinu því áhugi á hátíðinni var strax mikill þegar hugmyndin var fyrst kynnt í fyrravetur. Hátíðin var haldin á Akureyri fyrstu dagana í júlí og tóku um rúmlega 200 manns þátt í henni. Og nú er áformað að endurtaka leikinn að ári.

"Þetta hefði mig aldrei dreymt um fyrirfram. Þarna voru að hittast heilu áhafnirnar í fyrsta skipti frá síðutogaraárunum og þú getur rétt ímyndað þér hvernig sú upplifun var fyrir marga. Menn höfðu margt að spjalla og rifja upp frá gamalli tíð," segir Sæmundur.

Dagskrá hátíðarinnar stóð í einn dag, laugardaginn 3. júlí. Hún hófst með hátíðarguðsþjónustu í Glerárkirkju og að henni lokinni var blómsveigur lagður að minnisvarða um drukknaða sjómenn sem er við kirkjuna. Að því loknu var hátíðarmálsverður í matsal Brims á Akureyri, gamla ÚA salnum sem margir þekkja, og síðan ýmislegt til gamans gert, þar á meðal farið í siglingu á Húna II, stærsta eikarbát sem enn er í flota Íslendinga. Fór vel á því, enda Þorsteinn Pétursson, einn aðal baráttumaðurinn fyrir varðveislu Húna meðal þeirra sem áttu stóran þátt í að hátíð gömlu togarajaxlanna varð að veruleika.

"Hugmyndin var í upphafi sú að samkoman yrði um borð í Húna og að við færum í siglingu, grilluðum saman um borð og rifjuðum upp gamla tíma. En svo vatt þetta heldur betur upp á sig í fjölda en það voru allir boðnir og búnir að hjálpa til með húsnæði og annað fyrir samkomuna. Þannig að allt tókst þetta framar vonum," segir Sæmundur en þátttakendur komu víð að, sumir erlendis frá. Sæmundur segir nú þegar umtalsverðan þrýsting á að endurtaka leikinn.

"Ég veit um marga gamla sjómenn sem áttu ekki heimangengt sem vilja ólmir að þessi hátíð verði endurtekin. Það eru margir sem ekki komu sem hringja alveg klökkir í mig núna til að spyrja hvort þetta verði ekki á næsta ári. Það er alls ekki útilokað í ljósi þess hvernig okkur gekk í sumar að endurtaka leikinn á næsta sumri," segir Sæmundur Pálsson.

22.09.2010 16:17

Álsey Ve 2


                                        2772-Álsey VE 2 © Mynd þorgeir Baldursson 2010
Álsey skip Isfélags Vestmannaeyja lét úr Höfn á Akureyri um kl 14 i dag áleiðis á sildarmiðin norðaustur af landinu en skipið hefur verið að partrolla með hinum skipum félagsins þorsteini ,Guðmundi og Júpiter skipstjóri er Ólafur Einarsson

12.09.2010 23:58

Svanur á hraðferð


                                7498-Svanur EA 14 Mynd  þorgeir Baldursson 2010
 Hann Árni á Svaninum EA 14 var eitthvað að flýta sér þegar við á Sólbak EA mættum honum i fjarðarkjaftinum hann á innleið og var greinilega ekkert að spara oliuna enda var hann fljótur að hverfa sjónum okkar að það vatnaði varla undir bátinn

12.09.2010 00:30

Brælu dans


                                         1395-Kaldbakur EA 301 ljómyndari Óþekktur
Þessi mynd er tekin af veggspjaldi á siðustu sjávarútvegssýningu og sýnir Kaldbak EA fá á sig
heljarmikið brot heyrði sagt að skipverji á Sólbak EA 307 hefði tekið myndina en skipstjóri á Kaldbak EA var Sveinn Hjálmarsson

11.09.2010 20:23

Óli Tað i brælu


                                     233- Óli á Stað GK 4 ©mynd þorgeir Baldursson
Þessi mynd hefur nú birst hér áður og sýnir Netabátinn Óla á Stað GK 4 þegar hann var að draga netin i Eyjafjallasjó árið 2000 þegar skipverjar á Hafnarröst Ár 250 sigldu framhjá honum var veðrið um 28metrar á sec og hauga sjór skipstjóri og eigandi var Gunnlaugur Ævarsson úr Keflavik

10.09.2010 20:03

Súlan EA 300 kveður i siðasta sinn


                                  Súlan EA 300 mynd af Heimasiðu SVN

                 Freysteinn Bjarnasson sleppir Súlunni EA i siðasta sinn mynd svn.is
Hið velþekkta aflaskip Súlan EA-300 hefur lokið sinni þjónustu við land og þjóð.  Kl. 22:00 þann 7. september 2010, lét skipið úr höfn frá Neskaupstað áleiðis til Belgíu þar sem skipið verður skorið í bræðslupottana og stálið endurunnið til nytsamlegra nota á ný. 

Freysteinn Bjarnason sleppir landfestum Súlunnar í síðasta sinn
Freysteinn Bjarnason sleppir landfestum Súlunnar í síðasta sinn
Súlan EA var smíðuð í Fredrikstad í Noregi árið 1967 fyrir Leó Sigurðsson útgerðarmann.  Á þessu 43ja ára lífsskeiði fór skipið í miklar breytingar m.a. lengt tvisvar, byggt yfir það og nánast öllum vél-, vindu- og tækjabúnaði skipt út.
Þrátt fyrir það var nú svo komið að leiðarlokum þar sem allmikil tæring var í böndum og byrðingi og ekki svaraði kostnaði að fara út í miklar lagfæringar þar sem mun stærri skip eru almennt notuð í dag til veiða uppsjávarfiska, skip með miklu meiri togkraft, sjókælingu, vacum löndunarkerfi o.fl.
Sverrir Leósson og Bjarni Bjarnason keyptu skipið 1988 og gerðu það út til 2007 þegar Síldarvinnslan hf. keypti útgerðina en mikið og gott samstarf hafði verið í fjölda ára milli útgerðar Súlunnar og Síldarvinnslunnar sem sést best á því að á árunum frá 1993-2007 kom Súlan með afla til Neskaupstaðar 332 sinnum samkvæmt útskrift frá Norðfjarðarhöfn.  Tölvutæk gögn náðu ekki lengra aftur í tímann.
Skipið var alla tíð fengsælt og farsælt, aldrei slasaðist þar um borð maður svo heitið geti og meðan veiðar voru frjálsar var skipið ávallt með aflahæstu skipum.
Í áhöfn Súlunnar voru góðkunningjar okkar Norðfirðinga enda nánast sömu andlitin ár eftir ár.  Skipstjórinn, Bjarni, var t.d. á skipinu í 40 ár og margir með þetta 10-20 ára starfsaldur á skipinu.
Undirritaður horfði með söknuði á eftir skipinu en samt er það svo að fátt er ömurlegra en að sjá skip grotna niður og verða að flökum, þá er betra að þau hverfi.

Freysteinn Bjarnason



07.09.2010 21:40

Mistur af hálendinu


                              Mengun af Hálendinu i kvöld Mynd þorgeir Baldursson 2010
svona var umhorfs i Eyjafirði um kl 21 i kvöld þegar haldið var til veiða þungt mistur yfir Akureyri og
nágrenni svo varla sást i Súlur sem að er þó kennileiti Akureyrar

02.09.2010 03:15

Sólbakur EA 1 aflahæðstur isfisktogara


                           Pokinn losaður um borð i Sólbak EA 1 © mynd Þorgeir Baldursson

Frystitogarinn Brimnes RE skilaði mestu aflaverðmæti botnfisktogara á árinu 2009 eða 1.735 milljónum króna (fob). Sólbakur EA var eini ísfisktogarinn sem komst yfir milljarðinn en aflaverðmæti hans nam tæpum 1,1 milljarði. Bæði þessi skip eru í eigu Brims hf.

Alls komust 28 íslensk fiskiskip yfir einn milljarð króna í aflaverðmæti á árinu 2009 og hafa þau aldrei áður verið svo mörg. Þrjú skip veiddu fyrir meira en tvo milljarða hvert eins og fram kemur í annarri frétt hér á vefnum. Voru það allt vinnsluskip á uppsjávarveiðum. 

Alls fiskaði togaraflotinn fyrir 46 milljarða króna og uppsjávarflotinn fyrir 22 milljarða.

Þetta kemur fram í samantekt Fiskifrétta sem byggð er á tölum Hagstofunnar. Nánar í Fiskifréttum sem fylgja Viðskiptablaðinu.


  • 1
www.mbl.is