Færslur: 2010 Nóvember

30.11.2010 20:01

Ný 15tonna Cleopatra 38 afgreidd á Rif


                             2800-Tryggvi Eðvarðs SH 2 © mynd Trefjar.is 

Nýji báturinn hefur hlotið nafnið Tryggvi Eðvarðs SH - 2 og leysir af hólmi eldri bát með sama nafni.  Báturinn mælist 15brúttótonn og er í krókaaflamarkskerfinu.  Tryggvi Eðvarðs er af gerðinni Cleopatra 38.

Útgerðarfélagið Nesver ehf á Rifi fékk nú á dögunum afhentann nýjan Cleopatra bát frá Bátasmiðjunni Trefjum í Hafnarfirði.

Að útgerðinni stendur Ásbjörn Óttarsson og fjölskylda.  Arnar Laxdal Jóhannsson verður skipstjóri á bátnum.

 Aðalvél bátsins er af gerðinni Cummins QSM 11610hp tengd ZF gír.

Báturinn er útbúinn siglingatækjum af gerðinni Furuno.

Báturinn er einnig útbúin með vökvadrifnum hliðarskrúfum að framan og aftan sem tengdar eru sjálfstýringu bátsins.  Báturinn er útbúinn til línuveiða.  Línuspil og færaspil er frá Beiti.

Öryggisbúnaður bátsins kemur frá Viking.

 

Rými er fyrir 12stk 660lítra kör í lest.  Í bátnum er innangeng upphituð stakkageymsla.  Borðsalur er í brúnni auk stóla fyrir skipstjóra og háseta.  Svefnpláss er fyrir fjóra í lúkar auk eldunaraðstöðu með eldavél, örbylgjuofn og ísskáp.

 

 

                             

26.11.2010 19:39

Gullver NS 12


              Gullver NS 12 á siglingu á Eyjafirði fyrir nokkrum árum © mynd þorgeir
Hérna kemur mynd fyrir þann sem að er 2 stýrimaður á þessari glæsifleytu spurt er hver er maðurinn

24.11.2010 19:16

Ex Baldur Árna


                                      Ex Baldur Árna © mynd Einar Aðalsteinsson 2010
Þessa mynd sendi mér Einar Aðalsteinsson hjá skipasölunni Álasund eftir að skipið sem að var selt til Canada  i birjun þessa árs og hafði fengið smá upplyftingu hver er saga þessa báts

23.11.2010 13:32

Súlan EA 300 i Belgiu


                                     Súlan EA 300 © Foto Peter Wintin 2010

                                     Súlan EA i Belgiu © Foto Peter Wintin 2010

       Súlan EA við bryggju i Belgiu i birjun Nóvember © Foto Peter Wintin

Hér eru myndir af Súlunni EA í niðurklippingu.

Síðan eru einnig farið skipið Óskar RE sem tók með sér í drætti frá Seyðisfirði Aðalvík SH og komu þau til Belgíu

15 nóvember eftir 2 vikna ferð frá Seyðisfyrði.Skipin þurftu að leita vars fyrst við Abberdin í 3 sólarhringa og síðan fóru þau inn til Grimsby og voru þar einnig í 3 sólarhringa og biðu af sér veðrið. Að öðru leyti gekk ferðin mjög vel.Skipstjóri á Óskari RE var Guðmundur Elmar Guðmundsson og var hann einnig skipstjóri á Súlunni á leið út. Myndirnar af Súlunni tók Peter Wyntin 

Frétt i Vikudegi 25/8 2010


Súlan EA 300, eitt kunnasta og farsælasta aflaskip íslenska fiskveiðiflotans, sigldi í síðasta sinn frá Akureyri í morgun. Skip með þessu nafni hefur verið gert út frá Akureyri í heila öld. Fyrstu Súluna keypti Otto Tuliníus til Akureyrar frá Mjóafirði, en það hafði verið smíðað í Noregi 1902 fyrir Konráð Hjálmarsson, útgerðamann í Mjóafirði. Eftir það eignaðist Sigurður Bjarnason skipið og síðar sonur hans, Leó Sigurðsson.

 Skipið reyndist fengsælt og farsælt, allat þar til að fórst í aftakaveðri í apríl 1963, en í því veðri fórust 6 bátar við strendur landsins. Með Súlunni voru 11 manns og fórust 5 þeirra. Eftir slysið var keypt ný Súla til Akureyrar, en stoppaði stutt við. Árið 1967 kom Baldvin Þorsteinsson til Akureyrar með nýja Súlu frá Noregi og það er í grunninn það skip, sem kvaddi Akureyri í dag. Að vísu hefur það tekið breytingum, það hefur verið lengt,  og hækkað, þannig að nú ber það 950 tonn, tók einungis 450 tonn í upphafi. Sverrir Leósson, útgerðarmaður og Bjarni Bjarnason, skipstjóri, keyptu útgerðina af Leó og gerðu skipið út með myndarskap síðustu áratugina. Þegar það lá í landi var það gjarnan nýmálað við Torfunefið, eins konar kennileiti á Akureyri. Súlan var lengst af með aflahæstu skipum og það þótti enginn akureyrskur sjómaður sjóaður fyrr en hann hafi verið á Súlunni. Fyrir nokkrum árum keypti Síldarvinnslan skipið, en það hefur lítið verið notað.  Við skoðun í vor kom í ljós tæring í botntönkum og ekki talið hagkvæmt að fara í viðgerð á svo gömlu skipi. Þess vegna var það selt í brotajárn til Belgíu. Það má því segja, að útgerðarsaga Súlunnar frá Akureyri í heila öld byggist á tveimur skipum frá Noregi, eikarskipi og stálskipi, sem hvort um sig entist í ríflega hálfa öld. Baldvin Þorsteinsson, Hrólfur Gunnarsson og Bjarni Bjarnason voru lengst af skipstjórar á nýrri Súlunni. Bjarni var þar um borð í 40 ár, þar af í 30 ár sem skipstjóri. Súlan kvaddi Akureyri í síðasta sinn í morgun, en kemur við á Ólafsfirði, Bolungarvík og í Neskaupsstað til að taka brotajárn með til Belgíu. Leifur Þormóðsson, skipstjóri, sigldi skipinu frá Akureyri og tók einn heiðurshring




19.11.2010 20:44

Heimilt að veiða 200 þúsund tonn af loðnu í íslenskri lögsögu


                  Hafransóknarskipin i höfn i Reykjavik © mynd Þorgeir Baldursson
Hafrannsókanrskipið Árni Friðriksson RE  og Bjarni Sæmundsson RE við bryggju i Reykjavik fyrir viku siðan i bakgrunni má sjá Tónlistarhúsið Hörpu
Jón Bjarnason sjávarútvegs- og landbúnaðarráðherra hefur í dag gefið út reglugerðir um loðnuveiðar. Samkvæmt þeim er heimilt að veiða 200 þúsund tonn af loðnu í íslenskri fiskveiðilögsögu á tímabilinu frá 23. nóvember 2010 til og með 30. apríl 2011. Heildaraflamark í loðnu byggir á ráðgjöf Hafrannsóknarstofnunar. Stofnunin framkvæmdi haustmælingu á loðnu á tímabilinu frá 24. september til 8. nóvember á rannsóknarskipunum Árna Friðrikssyni og Bjarna Sæmundssyni.

 Loðnumælingarnar fóru fram fyrr og náðu yfir lengri tíma en á undanförnum árum þegar þær voru gerðar á tímabilinu frá því um miðjan nóvember og fram í desember. Þetta leiddi aftur á móti til þess að unnt var að fara miklu víðar en undanfarin ár þar sem enginn lagnaðarís var til trafala líkt og oft hefur verið í nóvember og desember. Því telur Hafrannsóknastofnunin að mælingar á stærð stofnsins nú séu að líkum marktækari en mælingar undanfarinna ára. Af þessum 200 þúsund tonnum fara um 139 þúsund tonn til íslenskra loðnuveiðiskipa sem hafa aflamark í loðnu en rúmlega 60 þúsund tonn fara til erlendra skipa samkvæmt milliríkjasamningum. Rétt er að vekja athygli á að niðurstöður haustmælinga Hafrannsóknarstofnunar gefa ekki tilefni til að ætla að veiðiheimildir vegna loðnu verði auknar á tímabilinu. Jón Bjarnason sjávarútvegs- og landbúnaðarráðherra leggur áherslu á að veiðum og fullvinnslu þessa afla verði hagað með þeim hætti, að sem mestur þjóðhagslegur ábati skapist af þessari auðlind og loðnuafli nýtist sem best til manneldis. Ríkar skyldur hvíla á útgerðum loðnuskipa að koma til móts við væntingar markaðarins um loðnuhrogn og vandaða meðferð hráefnis.Heimild . www.vikudagur.is



13.11.2010 21:40

VAEDDEREN F 359 I REYKJAVIKURHÖFN


      Danska Varðskipið Vaedderen F 359 við bryggju i Reykjavik © Mynd þorgeir Baldursson 2010

Vessel's Details

Ship Type: Law Enforce
Length x Breadth: 120 m X 12 m
Speed recorded (Max / Average): 15.7 / 10.4 knots
Flag: Denmark [DK] 
Call Sign: OUEW
IMO: 0, MMSI: 219524000

12.11.2010 21:32

Björgunnaræfing á sjó Slysavarnaskóli Sjómanna


                         TF LiF hifir nemendur frá borði i dag © mynd þorgeir Baldursson 2010


                                Maður no 2 i röðinni © mynd þorgeir Baldursson 2010
þegar Sólbakur EA hélt út frá Reykjavik laust eftir hádegi i dag
voru starfsmenn LHG og Slysavarnarskóla Sjómanna að hifa nemendur skólans frá borði
björgunnarbátsins Ásgrims S Björnssonar á sundunum fyrir framan Reykjavik og er þetta einn þáttur i þeim atriðum sem aðsjómönnum eru kend i skólanum

09.11.2010 23:40

Sildveiðar á Breiðafirði nóv 2010


                Bjarni Ólafsson AK 70 dregur nótina i Breiðafirði © Mynd Svafar Gestsson 2010

         Dæling um borð i Jónu Eðvalds SF 200 á sildarmiðunum © Mynd Svafar Gestsson 2010
Áhöfnin á jónu Eðvalds var á sildarmiðunum i Breiðafirði um siðustu helgi og voru snöggir að
fá skammtinn sinn og komu til hafnar á Hornafirði um kl 21 i kvöld með um 750 tonn af kældri sild sem að verður landað þar meðfylgjandi myndir sendi Svafar Gestsson Vélstjóri á Jónu Eðvalds  mér af veiðum þar kann ég honum bestu þakkir fyrir afnotin

04.11.2010 18:47

Rússtogari i Brotajárn


     Einn stæðsti togari Rússa i brotajárn Ljósmyndari óþekktur
kanski Óskar Franz geti upplýst okkur um þetta skip og hvar það var rifið
fékk mynd af skipinu og smá uppl með skipið heitir
Vostok og var skráð í llychvsk úkrainu,stærð skipsins var
26.400.gt-225 loa.vostok var rifið í Aliaga Tyrklandi.

                                          Vostok Ljósmyndari Óþekktur
Eins og sjá má er þetta enginn smá Barkur hvað skildu vera margir i áhöfn á svona skipi

02.11.2010 12:32

Heidi til Noregs


                HEIDI N-2-BR á siglingu á Eyjafirði i morgun © mynd þorgeir Baldursson 2010

        Skipstjórinn John E Ditlefsen Mynd þorgeir Baldursson 2010

                          HEIDI I MORGUN © Mynd þorgeir Baldursson 2010
Heidi N-2-BR lagði af stað til heimahafnar i Noregi i morgun frá Akureyri þar sem að báturinn hefur
verið i endurbótum hjá Seiglu breitt var úr skiptiskrúfu yfir i fasta skrúfu að sögn Sverris hjá Seiglu
voru þetta helstu breytingarnar á bátnum eigandi er Ditlefsen Fiskeriselskap A/S i Trondheim

01.11.2010 23:32

Sildveiðar i Breiðafirði i dag


             Sildveiðar i Breiðafirði i dag ©mynd Svafar Gestsson

                  Birjað AÐ Dæla © mynd Svafar Gestsson

                         Risakast 1300-1500 tonn © mynd Svafar Gestsson 2010

              Dæling á fullu og lestarstjóri að störfum © mynd Svafar Gestsson

                            Júpiter ÞH að dæla úr nótinni © Mynd Svafar Gestsson 2010
Svafar Gestsson vélstjóri á Jónu Eðvalds SF 200 sendi mér þessar myndir i kvöld þeir voru i breiðafirði i morgun og tóku tvö köst sem að samtals gáfu þeim um 930 tonn og er skipið á leið austur til Hornafjarðar með aflann hann er kældur i tönkum skipsins á leið til heimahafnar

01.11.2010 14:40

Á landleið i brælu


                                         Á Landleið i brælu © mynd þorgeir Baldursson 2010

                     sama sjónarhorn bara meira af skipinu© mynd þorgeir Baldursson 2010
erum á landleið með þokkalegan afla og verðum um kl 05 i nótt að staðartima á Akureyri
jæja önnur brælan i röð birjuð að gera vart við sig og i þetta sinn verður þetta vonandi bara hvellur
eins og sú fyrri þvi að ekki er nú spennandi að liggja i vari við Langanes eða undir Hótel Grænuhlið
eins og stundum mátti vera þar sólahringum saman og höfðu menn ekkert við að vera nema kanski góða bók eða taka i spil þá helst Bridge
  • 1

Eldra efni

Um mig

Nafn:

Þorgeir Baldursson

Farsími:

8620479

Heimilisfang:

Reynihlið 15 D 604 Hörgárbyggð

Staðsetning:

Hörgárbyggð

Um:

Fréttaritari Morgunblaðsins til sjávar og sveita og öll Almenn Ljósmyndun sem að tengist Sjávarútvegi

Tenglar

Flettingar í dag: 565
Gestir í dag: 88
Flettingar í gær: 546
Gestir í gær: 102
Samtals flettingar: 557297
Samtals gestir: 20931
Tölur uppfærðar: 19.3.2024 09:39:59
www.mbl.is