Færslur: 2011 Febrúar

20.02.2011 20:27

Á landleið með góðan túr


                                         Pokinn losaður © Mynd þorgeir Baldursson
Það hefur verið litill timi fyrir bloggfærslur undanfarna daga vegna anna við vinnu og hérna má sjá
skipverja á sólbak leysa frá pokanum og eins og sjá má var þokkalegur afli i holinu

18.02.2011 19:08

Nýr Bátur i flota Isfirðinga

Unnar ÍS 300 er væntanlegur til hafnar á Ísafirði í næstu viku. Ljósm: © Þorgeir Baldursson.
Unnar ÍS 300 er væntanlegur til hafnar á Ísafirði í næstu viku. Ljósm: © Þorgeir Baldursson.

bb.is | 18.02.2011 | 11:21Unnar ÍS bætist í flota Ísfirðinga

Útgerðarfélagið Kúvík ehf., hefur fest kaup á bátnum Unnari ÍS 300 og er hann væntanlegur til heimahafnar á Ísafirði í næstu viku. "Báturinn hefur verið í slipp á Akureyri þar sem hann var minnkaður," segir Ægir Fannar Thoroddsen, annar eigenda Kúvíkur, en með honum í félagi er Jón Halldór Pálmason. Báturinn er nefndir eftir bróður Jóns Halldórs, Unnari Rafni Jóhannssyni, sem fórst með bátnum Björgu Hauks ÍS út af Deild í Ísafjarðardjúpi 13. mars 2007. "Ástæðan fyrir því að við erum að minnka bátinn er sú að við ætlum að stunda á honum grásleppuveiðar, en til þess að hann fái leyfi til slíkra veiða, þurfti að minnka hann úr 19 tonnum í 15 tonn."

Fyrir á útgerðin bátinn Agnesi Guðríði ÍS, sem einnig hefur verið gerð út á grásleppu. "Þegar líða fer að vori förum við með báða bátana á Norðurfjörð og þaðan ætlum við að gera þá út á grásleppu. Við getum tvöfaldað veiðitímabillið með því að halda áfram á Unnari þegar veiðidagarnir á Agnesi eru búnir," segir Ægir sem reiknar með að vera á grásleppuveiðum út júní. Spurður hvort nota eigi bátinn í annan veiðiskap segir Ægir það vel koma til greina. "Við ætlum að skoða skötuselsveiðar næsta haust en kvótinn í skötusel jókst nokkuð á þessu fiskveiðiári. Þá er báturinn fullbúinn á snurvoð og ef eitthvað fer að rofa til á leigumarkaðnum er möguleiki á að við reynum fyrir okkur með snurvoðina," segir Ægir.

17.02.2011 21:25

Sportbátaeigendur i léttum leik


                 Sævar Sigmars i léttum leik © mynd þorgeir Baldursson

              Jón Óli hjá Vatnasport lét ganmmin geisa © mynd þorgeir Baldursson
Þeim leiddist ekki þessum tveimur sportbátaeigendum að þeysa um á pollinum og
búa til stökkpalla hver fyrir annan þar sem að bátar af þessari stærð eru með allt uppi
700hp vélar er ekkert þvi til fyrirstöðu að hægt sé að leika sér svolitið sem þeir svo sannarlega gerðu

12.02.2011 01:55

Ólafur Guðnasson Skyndihjálparmaður ársins 2010

       

                        Ólafur Guðnasson  © mynd Morgunblaðið Ómar Óskarsson 2011

                    Ólafur Diðrik Ólafsson og Ólafur Guðnasson © Mynd Morgunblaðið Ómar Óskarsson 2011

Rauði kross Íslands hefur valið Ólaf Guðnason sem skyndihjálparmann ársins 2010 fyrir að sýna hárrétt viðbrögð á neyðarstundu þegar hann lenti í bílslysi fjarri byggð í fyrrasumar.

Samkvæmt upplýsingum frá RKÍ bjargaði Ólafur lífi sonar síns, Ólafs Diðriks Ólafssonar, með því að stöðva miklar blæðingar á höfði og handlegg hans þegar bíll þeirra valt á Háreksstaðaleið á Jökuldalsheiði.

Þegar slysið varð var Ólafur eldri sofandi í farþegasætinu en Ólafur Diðrik ók bílnum. Ólafur Diðrik sofnaði undir stýri og missti stjórn á bílnum með þeim afleiðingum að bíllinn fór út af og valt. Bíllinn gjöreyðilagðist, allar rúður brotnuðu og nota þurfti klippur til að ná Ólafi Diðriki út úr honum.

Ólafur faðir Ólafs Diðriks rumskaði fyrst á hvolfi þegar bíllinn var í loftköstum á leið út af veginum. Hann komst að sjálfsdáðum út úr bílnum en skömmu síðar kom vegfarandi að sem hringdi í Neyðarlínuna 112.

Ólafur kallaði í son sinn en hann svaraði ekki heldur umlaði og var greinilega með skerta meðvitund. Handleggurinn á honum lá út um gluggann á bílnum og höfuðið á gluggakarminum. Á höfðinu voru margir skurðir, höfuðleðrið hafði flest af og það fossblæddi úr hnakkanum. Ólafur notaði bol til að þrýsta á sárið og reyna að stöðva blæðinguna. 

Fleira fólk var þá komið á vettvangi og kona úr hópi viðstaddra lánaði honum handklæði til að vefja um höfuðið á Ólafi Diðriki. Síðar fengust betri þrýstiumbúðir til að gera að sárum hans. Ólafur Diðrik var aldrei með fullri meðvitund og barðist um en Ólafur faðir hans reyndi að tala við hann og halda honum rólegum á meðan þeir biðu eftir aðstoð sem barst um 40 mínútum eftir slysið. 

Ólafur Diðrik var fyrst fluttur á Egilsstaði og síðan til Reykjavíkur þar sem kom í ljós að hann var með brákaða höfuðkúpu og brákaða háls- og hryggjaliði. 

Ólafur eldri hefur unnið sem skipstjórnarmaður og hefur farið á mörg skyndihjálparnámskeið hjá Slysavarnaskólanum. Rauði krossinn hefur eftir læknum, að telja megi það algert kraftaverk að Ólafur Diðrik skyldi ekki lamast. 

Þetta er í tíunda sinn sem Rauði krossinn velur Skyndihjálparmann ársins. Viðurkenninguna hlýtur sá einstaklingur sem hefur á árinu veitt skyndihjálp á eftirtektarverðan hátt. 

Sex aðrir einstaklingar hljóta einnig viðurkenningar hjá deildum Rauða krossins fyrir að hafa beitt skyndihjálp og bjargað lífi á eftirtektarverðan hátt. Þeir eru Ágúst Þorbjörnsson fyrir endurlífgun á félaga sínum sem starfar í næsta húsi við vélsmiðju hans á Hvammstanga; Sæþór Þorbergsson fyrir endurlífgun á gesti sem fór í hjartastopp í líkamsræktarstöð á Stykkishólmi; Erna Björg Gylfadóttir fyrir endurlífgun á systur sinni ásamt vinnufélögum í HB Granda á Akranesi; Borghildur Sverrisdóttir í Hafnarfirði fyrir að losa aðskotahlut úr hálsi á föður síns í sumarbústaðaferð fjölskyldunnar; Alfreð Gústaf Maríusson fyrir að endurlífga samstarfsmann sinn í grunnskóla í Hafnarfirði; og Benedikt Gröndal, einnig í Hafnarfirði, fyrir að losa aðskotahlut úr hálsi sonar síns.

06.02.2011 09:43

Fagraberg FD 1210


                            Fagraberg FD 1210 ©Mynd þorgeir Baldursson 2008

       Högni Hansen skipstjóri © mynd þorgeir Baldursson 2008
Fagraberg við komu i Krossanes vorið 2008 skipið er gert út af dótturfélagi Samherja i Færeyjum
skipið hét áður Krunborg og er burðagesta þess um 3200 tonn

05.02.2011 13:20

Á sjávarútvegur við Eyjafjörð framtíðina fyrir sér?


                  Trolltaka mynd þorgeir Baldursson 2008


Björn Snæbjörnsson formaður Einingar-Iðju sagði að sjávarútvegur í Eyjafirði ætti vissulega framtíð fyrirsér. Hann sagði það í raun furðulegt
að menn þyrftu að velta þessari spurningu fyrir sér. Þetta kom framí máli hans á fjölmennum fundi í
Hofi sl. þriðjudag, sem bar yfirskriftina;Á sjávarútvegur við Eyjafjörð framtíðina fyrir sér?
Auk Björns fluttu framsögu þau Stefán B. Gunnlaugsson lektor við HA,Ólöf Ýr Lárusdóttir forstjóri Vélfags og Sveinn Margeirsson forstjóri Matís.Að loknum framsögum voru almennar
umræður, þar sem fyrirhugaðar breytingará lögum um stjórn fiskveiða voru mönnum hugleiknar.
Björn sagði að Eyjafjarðarsvæðið allt hefði ávallt haft sterka stöðu og
sem dæmi eru rekin hér tvö af fullkomnustufrystihúsum landsins, á Akureyriog Dalvík. Hann sagði að undanfarinár hafi atvinnuöryggi ríkt í þessari grein á svæðinu, sárafáa daga hafi vinna
fallið niður vegna skorts á hráefni.Með góðri stjórnun, sem byggist á þessum
stöðugleika sé þetta hægt. Einnig hafi fiskmarkaðarnir skipt sköpum.
"Forsvarsmenn fyrirtækja hafa getað stjórnað fiskveiðum sínum til aðnýta hráefnið sem best í húsunum.Þetta á ekki bara við þá sem eru í greininni heldur líka þá sem byggja afkomu
sína á því að þjónusta sjávarútveginn.Þar hefur einnig verið meira atvinnuöryggi. Hér á svæðinu hefur
starfsmannavelta í fiskvinnslu verið minni en annars staðar á landinu.
Sjaldan er sagt frá þessu þegar málefni fiskvinnslufólks eru rædd. Þetta má þakka
stöðugleikanum sem verið hefur í greininni undan farin ár. Fólk vill atvinnuöryggi.
Ekki má heldur gleyma því að ístóru frystihúsunum hafa verið tekin í notkun launakerfi sem gefa hærri launen víðast annars staðar."Björn sagði að um 1.000 félagar íEiningu-Iðju vinni við fiskvinnslu ásvæðinu frá Siglufirði til Grenivíkurog í Grímsey. Fjölbreytnin sé mikil ogmargþætt. Einnig vinni um 200 Einingar-Iðju félagar í þjónustustörfumtengdum fiskvinnslum. Félagar Björns
eru þó aðeins hluti af dæminu því félagarí öðrum stéttarfélögum eru einnig að vinna við afleidd störf.
"Sjávarútvegur er undirstaða atvinnulífshér í Eyjafirði. Með meiri samþjöppun og tæknivæðingu hefur
störfunumþó fækkað nokkuð en gert þau að sama skapi öruggari. Óvissa um
framtíð kvótakerfisins er því að valda okkur verulegum vandræðum. Skipulagning
getur ekki orðið eins góð ogáður, sem þýðir að fleiri dagar falla niður í landvinnslu. Fjármuni virðist
ekki vanta í sjávarúveginn hér heima.En á meðan þessi óvissa ríkir haldamenn að sér höndum, sama hvort umer að ræða nýsmíði, viðgerðir eða breytingar á skipum eða breytingar í landi.
Þessi listi er langur og lengist bara verði þessari óvissu ekki eytt," sagði Björn.
Hann sagði að deilan um kvóta og allt sem honum tengist hafi verið eitt mesta rifrildisefni milli manna í gegnumárin. "Ég ætla ekki að reyna að fara yfir það allt saman en ég vil minna á að
menn settu nefnd á laggirnar til að freista þess að nátt um þessi mál, svokallaða
sáttanefnd sem í sátu fulltrúarþeirra aðila sem áttu hagsmuna aðgæta. Alþýðusamband Íslands átti þrjáfulltrúa í nefndinni og stóðu þeir aðsamkomulaginu sem náðist um svokallaða
samningsleið. Það er stefnasambandsins að klára dæmið á þeimforsendum. Aðgerðir verða að komastá hreint ekki seinna en strax. Ríkisstjórnin verður að grípa í taumana áður en illa fer. Staðan í dag er óþolandi og allt í óvissu um framhaldið.Þessi óvissa leiðir af sér óöryggi hjá
þeim sem starfa í sjávarútvegi á svæðinu og fleirum. Við Eyfirðingar gerumþá kröfu að ríkisstjórnin ákveði sig strax í þessu máli. Við þörfnumst festu og getum ekki haft þetta hangandi yfir
okkur lengur."Björn sagði að menn þyrftu að standa saman og halda vörð um þá
miklu byggðarlegu hagsmuni sem ísjávarútvegi þessa svæðis eru fólgnir.Hann sagði það hins vegar ekki ganga að Samtök atvinnulífsins neituðu að gera kjarasamninga við almennt launafólk
nema þetta mál verði klárað. Súkrafa sé aðeins til þess fallin að efla þásem eru á móti samningsleiðinni og gera menn enn harðari í andstöðusinni."Svona framsetning er ekki til neins
annars en að fá þjóðina upp á móti sér.Þetta er mál ríkisstjórnarinnar og við hana á að ræða. Atvinnurekendur eigaekki að nota starfsfólk sitt sem brjóstvörn,"sagði Björn.
Anton Benjamínsson framkvæmdastjóri Slippsins Akureyri steig fyrstur í
pontu að loknum framsöguerindum.Hann sagði að þegar haft er í huga hvað sjávarútvegur og tengdar greinareru mikilvægar hér á landi og ekki síst á Eyjafjarðarsvæðinu, sé einkennilegt
hversu lítil uppbyggileg umræða er umþessa atvinnugrein."Þegar forsætisráðherra virðist ekki
lengur kunna orðið útgerðarmaður en kallar menn sægreifa í neikvæðri merkingu
er ekki von á málefnalegri umræðu.Það er hollt að hafa í huga að atvinnugreinin
spilar eftir þeim lögumsem nú eru í gangi og það var Alþingi sjálft sem setti þessi lög. Við vitum að
kvótakerfið hefur bæði kosti og galla en það er eins og gallarnir séu alltaf
dregnir upp á dekk og kennt um allt sem miður fer. Það er minna talað um
kostina enda eru þeir ekki eins krassandi.Svo er mikilvægt að hafa í huga
hvað talað er illa sjávarútveginn og allt það fólk sem starfar í greininni."
Anton sagði að stór fyrirtæki væru litin hornauga og að það þyki ljótt að
vera stór og öflugur. Hins vegar sé þaðí tísku að tala um lítil og meðalstór fyrirtæki.
"Við þurfum bæði á stórum og litlum félögum að halda og eigum
að vera stolt af þeim öllum. Það er alvarlegt að stjórnvöld skulu vera í hálfgerðu
stríði við þessa atvinnugrein,sem er ein af undirstöðunum, þegarvið þurfum á öllu okkar að halda. Þetta hlýtur að vera einsdæmi."Anton skoraði á stjórnvöld að setjastniður með þeim er málið varðar og leysa þessi mál. Það sé ekki svo flókið.
Björn Valur Gíslason þingmaður Vinstri grænna og varaformaður svokallaðrar
sáttanefndar fór yfir niðurstöðurnefndarinnar. Hann sagði að ákveðins misskilnings hafa gætt um að
miklar deilur hafi verið um þá megin niðurstöðu sem þar náðist, það sé alrangt.
"Nefndinni var falið að skilgreina helstu álitaefnin, leggja fram
leiðir til úrbóta, skapa góð rekstrarskilyrði  til langs tíma og að sem víðtækust
sátt sé um málið."Björn Valur sagði að miðað við fjölmiðlaumræðuna
mætti ætla að það hafi ekki verið mikil sátt um þessa niðurstöðu.
"Yfirgnæfandi meirihluti nefndarmanna  lagði til að farin yrði svokölluð
samningaleið. Auðvitað kunna að vera skiptar skoðanir um útfærsluna en
megin sjónarmiðin eru skýr. Langstærstihluti hópsins, að tveimur undanskildum,
stendur að baki tillögunum.Eftir þeim verður farið við frekari útfærslu
á lögunum um stjórn fiskveiða, fái ég einhverju um það ráðið," sagði BjörnValur.
Kristján Möller þingmaður Samfylkingarinnarsagði að hafa þyrfti að leiðarljósi atvinnuöryggi fólksins sem vinnur í greininni. "Fiskvinnslufólks,sjómanna,fjölskyldna þeirra, fyrirtækja,
sveitarfélaga og svo okkar allra.Þetta verður að vera hluti af sáttinni þegar við ræðum okkur til niðurstöðu."Kristján sagði að ef sú leið sem kölluð er sáttaleið nær viðræktri sátt, skuli
fara þá leið. "Við skulum ekki hengja okkur í nafnið, heldur markmiðin og
tölum okkur að niðurstöðu. Það er nauðsynlegt að eyða óvissu um rekstrarskilyrði
þessarar atvinnugreinar sem og annarra," sagði Kristján.
Ólína Þorvarðardóttir þingmaður Samfylkingarinnar sagði að menn væru
svolítið snemma á ferðinni að ræða afleiðingar af fiskveiðistjórnunarkerfi,
sem ekki sé farið raunverulega að sjáhvernig eigi að breyta. "Sú samningsleiðsem hér hefur verið vitnað til felur það í sér að það þarf að fara í innköllun og endurúthlutun aflaheimilda. Síðan
þarf að komast að niðurstöðu um það hvert gjaldið á að vera. Það er lykilatriðiað það verði farið með fiskveiðiauðlindinaeins og aðrar auðlindir íeigu þjóðarinnar."Ólína sagði að það sem menn hefðu
hingað til kallað eignarrétt, verði nýtingarréttur.Hann verði tímabundinnréttur á grundvelli leigusamninga við útgerðina og sé uppsegjanlegur. "Og fyrir þessa nýtingu komi gjald."
Ólína sagði ekki stefnt að því að koma íslenskum sjávarútvegi á hausinn.
Hann sé undirstöðuatvinnugrein íokkar samfélagi. Sem slíkur komi hannað endurreisn þessa samfélags eftir hrun. Markmiðið sé að treysta rekstrarskilyrði greinarinnar til langs tíma.
Þorsteinn Már Baldvinsson forstjóri Samherja gerði m.a. grein fyrir þeim áhrifum sem Samherji hefur á samfélagið í Eyjafirði. Þar kom að launagreiðslurfyrirtækisins á svæðinu námu
3,9 milljörðum króna, Samherji keypti vörur og þjónustu fyrir 2,4 milljarða
króna og veitti ýmsa samfélasgsstyrkiað upphæð 80 milljónir króna. Samtals gerir þetta tæpar 6,4 milljarða króna á ári.
Þorsteinn sagði að Samherji hefðistarfað í evrópskum sjávarútvegi í 15ár. Hann sagði að munurinn væri sá að samskiptin við stjórnvöld væru alltönnur og ekki samanburðarhæf. Hann nefndi jafnframt að íslensk stjórnvöld hefðu gert lítið af því að ræða við sig um fiskveiðar og fiskvinnslu.
Þorsteinn Már bar saman íslenskan sjávarútveg og norskan og sagði þess ekki langt að bíða að Norðmenn stæðu Íslendingum framar í sjávarútvegi.Norskur sjávarútvegur njóti stuðnings
stjórnvalda, sem standi vörð um greinina.Hann sagði að norsk stjórnvöld notuðu á þessu ári 7 milljarða króna í markaðssetningu sjávarafurða. Í Íslandi fari 30 milljónir króna í markaðsstarf og
þar af 20 milljónir króna til markaðssetningar á bleikju í Bandaríkjunum.
Á sjávarútvegur við Eyjafjörð framtíðina fyrir sér?
Er undirstaða atvinnulífs á svæðinu
Frummælendur á fundinum í Hofi á þriðjudag, f.v. Stefán B. Gunnlaugsson, Ólöf Ýr
Lárusdóttir, Sveinn Margeirsson og Björn Snæbjörnsson
Greinin birtist i heild i nyjasta Vikudegi sem kom út á fimmtudaginn 3 feb 2011
www.vikudagur.is

02.02.2011 12:52

Bátar frá Seiglu á siglingu


                              Solberg T-3-K  Karlsoy © MYND Þorgeir Baldursson

                                      Solberg T-3-K © MYND Þorgeir Baldursson

                                Solberg og Nora © mynd Þorgeir Baldursson
Hérna má sjá tvo báta sem að Bátasmiðja Seigla afhennti i birjun siðasta árs en þeir fóru
báðir til kaupenda i Noregi og hér gerta menn séð á heimasiðu þeirra nýustu fréttir
af bátasmiði þeirra slóðin er www.seigla.is
  • 1

Eldra efni

Um mig

Nafn:

Þorgeir Baldursson

Farsími:

8620479

Heimilisfang:

Reynihlið 15 D 604 Hörgárbyggð

Staðsetning:

Hörgárbyggð

Um:

Fréttaritari Morgunblaðsins til sjávar og sveita og öll Almenn Ljósmyndun sem að tengist Sjávarútvegi

Tenglar

Flettingar í dag: 341
Gestir í dag: 32
Flettingar í gær: 546
Gestir í gær: 102
Samtals flettingar: 557073
Samtals gestir: 20875
Tölur uppfærðar: 19.3.2024 05:15:56
www.mbl.is