Siðutogarinn Harðbakur EA1 við Torfunes

Harðbakur EA 3 mynd þorgeir Baldursson

Gæsilegt líkan af Harðbak EA 3, einum síðutogara Útgerðarfélags Akureyringa, var afhjúpað á Torfunefsbryggju í Gær að viðstöddu fjölmenni. Það var völundurinn Elvar Þór Antonsson sem smíðaði líkanið fyrir hóp fyrrverandi sjómanna á togurum ÚA en listaverkið afhjúpuðu tveir fyrrverandi skipverjar á Harðbak, Arngrímur Jóhannsson og Steingrímur Antonsson.

Arngrímur og Steingrímur eru þeir einu sem enn eru á lífi úr 30 manna áhöfn Harðbaks í sögulegum Nýfundnalandstúr 1959 þegar gerði slíkt gjörningaveður og grimmdarfrost í nokkra sólarhringa að margir togarar voru í stórhættu og einn íslenskur, Júlí GK frá Hafnarfirði, fórst með allri áhöfn, 30 mönnum. Steingrímur var háseti en Arngrímur nýútskrifaður loftskeytamaður, hann hélt upp á 19 ára afmælið nokkrum vikum síðar.

Útgerðarfélag Akureyringa keypti togarann frá Aberdeen í Skotlandi árið 1950 en fyrir átti félagið tvo togara, Kaldbak EA 1 og Svalbak EA 2. Þessir þrír voru nánast eins, en Harðbakur nokkrum fetum lengri og var því mun merkilegri að sumra mati – m.a. bræðranna Þorsteins og Kristjáns Vilhelmssona sem rifjuðu upp skemmtilegar sögur frá þeim tíma þegar faðir þeirra, Vilhelm Þorsteinsson, var skipstjóri Harðbaks. Báðir fóru þeir fyrst barnungir til sjós með föður sínum. ÚA gerði Harðbak EA 3 út allt til ársins 1975.

Líkanið sem afhjúpað var í dag er það sjötta sem Elvar Þór hefur smíðað fyrir hópinn sem áður er nefndur. Hin eru af Kaldbak EA 301, Svalbak EA 302, Sléttbak EA 304, Harðbak EA 303 og Sólbak EA 5. Þau líkön voru öll til sýnis við Torfunefið í dag. Sigfús Ólafur Helgason, sem fer fyrir þessum hópi fyrrverandi sjómanna ÚA, flutti ávarp í dag og minnti m.a. á mikilvægi þess að líkönunum yrði fundinn samastaður. Hann hefur löngum talað fyrir nauðsyn þess að koma á fót sjóminjasafni á Akureyri.

Teksti Akureyri.net myndir Þorgeir Baldursson 

Sigfús ólafur Helgasson hélt ræðu mynd þorgeir Baldursson                         Kristján og Þorsteinn Vilhelmssynir héldu stutta tölu mynd þorgeir Baldursson                    Steingrimur Antonsson og Arngrimur Jóhannson afhjúpuðu likanið mynd þorgeir Baldursson                       Steingrimur Antonsson og Arngrimur Jóhannson Skoðuðu likanið mynd þorgeir Baldursson                                                     likanið er mikil Glæsismið mynd þorgeir Baldursson                                     Árni Ingólfsson fv skipstjóri og Davið Hauksson mynd þorgeir Baldursson        Svavar Gunnþórsson  óskar Sigurpálsson og Birgir Aðalsteinsson skoða likanið af Harðbak mynd þorgeir                Tryggvi Ingimarsson var skipverji á Harðbak en var i frii túrinn örlaga rika mynd þorgeir Baldursson                              mikill mannfjöldi skoðaði likanið af Harðbak EA 3 Mynd þorgeir Baldursson                  fv sléttbakur / Svalbakur    Sólbakur    Kaldbakur /Harðbakur  mynd þorgeir Baldursson                             Þorsteinn Vilhelmsson og Vilhelm Þorsteinsson mynd þorgeir Baldursson     Brynjar Arnarsson Viðir Benidiktsson Þorsteinn Már Baldvinsson Kristján Vilhelmsson mynd þorgeir Baldursson