28.03.2026 22:50

Hauganes i dag

Heitupottarnir i fjörunni á Hauganesi i dag 28 mars 2026 mynd þorgeir Baldursson

Njóttu þín á Hauganesi

Hauganes við Eyjafjörð er sannkallaður sælureitur þar sem þú finnur nýlegt tjaldsvæði og heita potta í fjörunni þar sem ljúft er að ylja sér eftir svamlið í sjónum. Ströndin er grunn langt út í víkina þannig að á sólríkum sumardögum er sjórinn þar heitari en víða annarsstaðar við strendur Íslands.

Fjöruböðin hyggja á stórfellda uppbyggingu á Hauganesi á næstu árum en á meðan bjóðum við ykkur að njóta pottanna í fjörunni og tjaldsvæðisins á Hauganesi, frábært athvarf á Norðurlandi.

Fjöruborðið og heitupottarnir á Hauganesi mynd þorgeir Baldursson

Hvalaskoðunnarbátarnir Niels Jónsson og Whales mynd þorgeir Baldursson

Komdu í hvalaskoðun og sjóstöng með Hvalaskoðuninni á Hauganesi – með fjölskylduna, vinina, vinnuna eða skólakrakkana.
Leitaðu upplýsinga um ferðirnar okkar, verð og fyrirkomulag í síma 867 0000, í EP hér eða á whales@whales.is.

Hvalaskoðunin á Hauganesi er elsta hvalaskoðun landsins og er staðsett í hjarta Eyjafjarðar. Við gerum út tvo klassíska íslenska eikarbáta sem þykja einkar stöðugir og þægilegir. Allar ferðir eru kolefnisjafnaðar sem felur í sér að við gróðursetjum tré fyrir hverja ferð til að vega upp á móti kolefnisútblæstri ferðarinnar, ásamt því að við blöndum olíuna með lífdísli. Við erum í samstarfi við Vistorku.

Sumarið 2019 sáum við hvali í öllum okkar ferðum, þar á meðal hnúfubaka, hrefnur, hnísur, háhyrninga og steypireyðar. Hvalirnir voru að meðaltali í 20 mínútna fjarlægð frá Hauganesi og því stutt vegalengd til að líta þessar fallegu og jafnframt tignarlegu skepnur augum.

Hér á Hauganesi finnur þú einnig veitingastaðinn Baccalá Bar, fullbúið tjaldsvæði og heitu pottana vinsælu í Sandvíkurfjöru.