Vigur Breiður Sjósettur © mynd Björn Baldursson 2010
Kominn á flot © mynd Björn Baldursson
Gestur Frá Vigur © mynd Björn Baldursson
Vigur Breiður og Gestur frá Vigur ©Myndir Björn Baldursson
Sæll Þorgeir.
Sendi þér hérna myndir eins og ég lofaði. Áttæringurinn Vigur Breiður er semsagt að fara á flot eftir 10 ára notkunarleysi, hann var notaður síðast árið 2000. Breiður hefur verið í Vigur frá því að elstu menn muna og eru til heimildir um hann frá því 1829, og talið er að hann sé smíðaður fyrir 1800. Honum hefur alla tíð verið haldið vel við. Féð í Vigur var alltaf flutt upp á meginlandið á sumrin og var Breiður notaður til þess, og var hægt að flytja allt að 70-80 fjár á honum í einu.
Gestur frá Vigur, var smíðaður árið 1906 fyrir séra Sigurð Stefánsson bónda og prest í Vigur. Hann var notaður til fiskveiða og til aðdrátta fyrir Vigurbændur. Við fjárflutninga og annarskonar flutninga á Breið var það alltaf Gestur sem dró Breið. Árið 1988 fékk Byggðasafn Vestfjarða Gest að gjöf frá Baldri og Birni fyrrverandi Vigurbændum og árið 2003-2004 var hann endurbyggður. Gestur er elsti vélbátur sem varðveist hefur á Íslandi.
