Fundur um sjávarútvegsmál á hótel Kea

Þingmennirnir Björn Valur Gíslason, Steingrímur J Sigfússon og Liljar Rafney Magnúsdóttir héldu opin stjórnmálafund á Hótel KEA í kvöld. Fundinn sóttu hátt í hundrað manns, að stórum hluta sjómenn enda viðbúið að kvótafrumvörp ríkisstjórnarinnar yrðu þar mikið til umræðu sem varð raunin. Steingrímur fór vel yfir frumvörpin og útskýrði hvað í þeim felst og síðan sátu þingmennirnir fyrir svörum. Reyndir var svo á endanum þannig að allar spurningar úr sal, sem voru fjölmargar snérust um sjávarútvegsmálin frá ýmsum hliðum og ekkert annað komst á dagskrá. Fundurinn var málefnalegur og fundarmenn hreinskiptir í málflutningi sýnum eins og vera ber. Ljóst er að sitt sýnist hverjum og innihald frumvarpann tveggja eins og búast mátti við en vonandi eru þau sá sáttagrunnur í deilunum um stjórn fiskveiða sem Steingrímur segir þau vera. Það mun hinsvegar koma í ljós fljótlega enda á að afgreiða frumvörpin frá þinginu fyrir sumarið.