09.10.2019 23:24

Góð Sildveiði fyrir austan

               2881 Venus NS 150 Mynd þorgeir Baldursson 2019

    Theodór Þórðarsson  Skipst Venus NS 150 © þ B 

,,Það hefur verið mjög góð veiði en síldin er nú byrjuð að ganga í austurátt og við verðum því að fara lengra eftir henni,“ segir Theodór Þórðarsson, skipstjóri á Venusi NS, en skipið kom með um 1.600 tonna afla til Vopnafjarðar snemma í morgun.

Alls var um 15-16 tíma stím frá miðunum til Vopnafjarðar.

,,Þetta eru nokkur viðbrigði frá túrnum á undan en þá fengum við um 1.300 tonn af síld djúpt í Héraðsflóadjúpinu. Þá merktum við að síldin var á austurleið og við enduðum núna úti við miðlínuna á milli Íslands og Færeyja. Síldin virðist synda um 20 til 25 mílur á sólarhring og hvar hún verður þegar við komumst út næst skal ósagt látið.“

Theodór segir síldina vera mjög góða. Samkvæmt sýnum sé stæðin frá 380 grömmum upp í rúm 400 grömm. Fjögur íslensk skip og tvö færeysk voru að veiðum þegar Venus sigldi áleiðis til Vopnafjarðar en Theódór segir að rússnesku skipin hafi þá verið í Síldarsmugunni.

,,Við ættum að komast út að nýju á aðfararnótt fimmtudags. Það var kaldi á miðunum alla dagana hjá okkur og það er komin bræla núna. Vonandi gengur veðrið niður sem fyrst og það væri mikill kostur að fá gott veður þegar líður á vikuna,“ segir Theodór Þórðarson.

 

Eldra efni

Um mig

Nafn:

Þorgeir Baldursson

Farsími:

8620479

Heimilisfang:

Móasiða 4f Akureyri

Staðsetning:

Akureyri

Heimasími:

4626947

Um:

Fréttaritari Morgunblaðsins til sjávar og sveita og öll Almenn Ljósmyndun sem að tengist Sjávarútvegi

Tenglar

Flettingar í dag: 58
Gestir í dag: 22
Flettingar í gær: 1439
Gestir í gær: 185
Samtals flettingar: 9490133
Samtals gestir: 1346871
Tölur uppfærðar: 17.10.2019 00:20:00
www.mbl.is