28.04.2020 22:49

Hoffell með 10.000 tonn

Síðdegis í dag, þriðjudaginn 28.apríl, kom Hoffell að landi með tæplega 1700 tonn af kolmunna.

                 Hoffell SU 80 mynd Óðinn Magnasson  28 April 2020

Með þessum kolmunna afla er Hoffell komið í 10.000 tonn og er eins og sakir standa aflahæst uppsjávarveiðiskipa þrátt fyrir að vera burðarminna en flest hinna skipanna á miðunum. 

       Sigurður og Kjartan ásamt áhöfn  með tertuna mynd Friðrik Mar Guðmundsson 28 April

                    Tertan mynd Óðinn Magnasson 28 April 2020

 

Sigurður Bjarnason skipstjóri á Hoffelli sagði að aflinn hefði fengist suður af Færeyjum en þangað er um 30 klukkustunda sigling frá heimahöfn á Fáskrúðsfirði.

   Sigurður Bjarnasson skipst Mynd þorgeir 2020

“Við fengum þetta í fjórum hollum” sagði skipstjórinn og hafði orð á því að eftir erfiðan vetur, svona veðurfarslega séð, hefði verið mikil blíða á miðunum og töluverð veiði. 

Þá lá beinast við að inna Sigurð eftir því hvort að nóg væri af kolmunna? “Já, en það vantar aðeins neista” svaraði hann og bætti svo við “hann kemur bráðum”.

Og þar talar maðurinn með reynsluna.

Þegar skipstjórinn var svo spurður að því hver ástæðan væri fyrir þessari velgengi svaraði hann um hæl að því væri að þakka stífri sjósókn, góðri áhöfn og heppni.

Hoffell á eftir að veiða 8000 tonn af kolmunna og reiknar Sigurður með að það muni taka svona 5 túra ef allt gengur samkvæmt áætlun.

“ Ég er mjög bjartsýnn, við förum út strax að lokinni löndun.

                   Haldið  til veiða mynd þorgeir Baldursson 2020

Það þarf að taka á meðan er því fiskurinn bíður ekki” sagði Sigurður skipstjóri að lokum.

  Hoffell SU 80 heldur til veiða eftir löndun Mynd þorgeir Baldursson 2020

Heimasiða Loðnuvinnslunnar 

myndir 

óðinn Magnasson 

Friðrik Mar Guðmundsson 

þorgeir Baldursson 

Eldra efni

Um mig

Nafn:

Þorgeir Baldursson

Farsími:

8620479

Heimilisfang:

Reynihlið 15 D 604 Hörgárbyggð

Staðsetning:

Hörgárbyggð

Um:

Fréttaritari Morgunblaðsins til sjávar og sveita og öll Almenn Ljósmyndun sem að tengist Sjávarútvegi

Tenglar

Flettingar í dag: 1975
Gestir í dag: 36
Flettingar í gær: 557
Gestir í gær: 48
Samtals flettingar: 569202
Samtals gestir: 21584
Tölur uppfærðar: 28.3.2024 20:22:20
www.mbl.is