Akraberg, sum hevur fiskað í Barentshavinum kom á Fuglafjørð við fullari last í morgun.
Teir hava 914 tons av frystum og 350 tons av slógvi. Teir landa tað frysta til Bergfrost og slógvið til Havsbrún.
Akrabberg fór avstað 15. desember, tað fyrstu tíðina var smáligt fiskarí, men nú móti endanum var rokfiskiskapur.
Tað vóru 24 mans við hendan túrin, skipari var Eyðun á Bergi.
Anfinn Olsen reiðari segði við okkum í kvøld, at Akraberg fer nýggjan túr fyrst í komandi viku.
Jn.fo
