Færslur: 2016 Júlí

30.07.2016 01:51

Álsey VE 2

               Álsey Ve 2 i Krossanesi mynd þorgeir Baldursson 
 

30.07.2016 01:40

2577 Konráð EA 90

  

                   2577 kONRÁÐ EA 90 Mynd þorgeir Baldursson 

30.07.2016 00:51

1293 Birtingur NK 124

              1293 Birtingur Nk 124 mynd þorgeir Baldursson 

 

30.07.2016 00:49

2400 Hafdis su 220

                         2400 Hafdis SU 220  Mynd þorgeir Baldursson 

29.07.2016 22:54

Börkur NK 122

                           Börkur NK 122 Mynd þorgeir Baldursson 

29.07.2016 22:49

2681 Vörður 2

                          2681 Vörður 2 BA mynd þorgeir Baldursson 

29.07.2016 22:26

Lidhamar KG 602 klakksvik

  Færeyski Handfærabáturinn Lidhamar KG 602 mynd Jóhann Jóhannsson 2016

var að veiðum við suðausturströndina fyrir skömmu er myndin var tekin

 en ekki veit ég fjölda áhafnarmeðlima né hvað túrarnir eru langir hjá þeim 

er einhver sem að veit eitthvað um það svör óskast sem fyrst 

29.07.2016 19:25

Trollið tekið á Þjóðhátiðardaginn 17 júni

    Ljósafell SU 70 á toginu þann 17 júni Mynd Jóhann Jóhannson 2016

   Hlerarnir komnir upp og birjað að hifa inn belginn mynd Jóhann Jóhannsson 

           stroffurnar settar á belginn mynd Jóhann Jóhannson 2016

29.07.2016 15:32

Verðmætið eykst minna en aflinn

Verðmætið eykst minna en aflinn

by  | Jul 29, 2016 | Fréttir

Verðmætið eykst minna en aflinn

  Á myndinni eru þrír togarar ÚA og Samherja við bryggju að landa á Akureyri. Björgvin EA, Björgúlfur  EA og Baldvin NC. Ljósmynd Þorgeir Baldursson.

Aflaverðmæti íslenskra skipa nam rúmum 11,1 milljarði króna í apríl sem er 7,3% aukning miðað við apríl 2015.

Þetta skýrist af auknu verðmæti þorsk- og ýsuafla og kolmunna.

Verðmæti botnfiskafla nam 8,3 milljörðum í apríl sem er 143 milljónum króna minna en í apríl 2015.

Heildarverðmæti uppsjávarafla í mánuðinum jókst um 678 milljónir króna sem er 70% aukning.
Á 12 mánaða tímabili frá maí 2015 til apríl 2016 var samanlagt aflaverðmæti um 144 milljarðar króna sem er 3,7% samdráttur miðað við sama tímabil ári fyrr.

Á þessu tímabili hefur verðmæti botnfiskafla aukist um 4,2% og flatfiskafla um 53,9% á meðan verðmæti uppsjávarafla hefur dregist saman um 32,4%.

Þetta kemur fram í frétt frá Hagstofu Íslands.
Athygli vekur að aukning í verðmæti er hlutfallslega mun lægri, 7,3%, en aukningin í magni í aprílmánuði.

Þá bárust á land 104.000 tonn, sem var 39% meira en í sama mánuði í fyrra. Það stafar mest af auknum afla af botnfiski sem var 17% meiri en í apríl í fyrra.

Þorskafli í apríl nú varð ríflega 43.000 tonn, sem er 29% meira en í sama mánuði í fyrra. Engu að síður eykst verðmæti hans aðeins um 14,3%.

Því má draga þá ályktun að verð á botnfiski og sérstaklega þorski hafi lækkað í apríl og eða að minna hlutfall af sjófrystum þorski hafi verið í lönduðum afla.

Uppsjávarafli í apríl var ríflega 57.000 tonn, sem er 60% aukning miðað við apríl í fyrra.  Þessi afli var nær eingöngu kolmunni. Þarna er þróunin önnur,

því verðmætið þar hefur aukist um 70% og bendir það til hærra verðs á kolmunna og eða að aukið hlutfall sé sjófrystur fiskur.
Verðmæti skelfiskafla í apríl nú varð ríflega 500 milljónir króna, sem er 1,4% samdráttur.

Heimild Kvotinn.is 

 

29.07.2016 01:36

Ólavur Nolsøe ex Gandi VE seldur til Russlands

 

Ólavur Nolsøe seldur til Russlands

22.07.2016 - 

Rækjutogarinn Ólavur Nolsoe sem að var keyptur til Færeyja þann 26.06 -2013 og hefur haft heimahöfn i Fuglafirði 

en var að hluta til i eigu Vinnslustöðvarinnar i Vestmannaeyjum VSV skipið er smiðað 1986 i Noregi 

 og hefur legið i höfn i Vestmannaeyjum undanfarna mánuði var seldur á dögunum það var rússneskafélagið JSC

Murmanrybflot  2  sem að keypti skipið ekki er vitað um söluverð skipsins né afhendingar tima 

           Ólavur Nolsoe EX Gandi Ve  mynd Óskar P Friðriksson 2016

                             Gandi Ve 171 Mynd Óskar P Friðriksson 2010

 

 

 

28.07.2016 22:29

233 Erling ke mokfiskar á Grálúðunni

 Það er oft lif og fjör til sjós eins og þessar myndir bera með sér 

og nú undanfarið verið fin Grálúðuveiði i norðurkantinum þar sem að Erling KE 140

hefur verið að rótfiska eftirfarandi frétt er fengin af vef aflafretta 

www.aflafrettir.is

      Óli Á Stað GK 4 sem að núna heitir Erling KE 140 mynd þorgeir 2000

     Netin DREGIN I 28 m/s i Eyjafjallasjó Árið 2000 mynd þorgeir Baldursson 

       Engin lognmolla þarna mynd þorgeir Baldursson 2000

 

að er ekkert lát á mokveiðinni sem Erling KE er í núna norður af Kolbeinsey á grálúðunni á netunum ,

 

það sem af er núna í júlí þá hefur báturinn landað 271 tonni í aðeins 7 róðrum eða um 39 tonn í róðri,

 

Siðustu tveir róðrar hafa verið ansi góðir.  nýjsta löndunin var 56,4 tonn sem var etir 3 daga á veiðum 

 

og túrinn þar á undan var 56 tonn.

 

þriðji túrinn var svo 43 tonn,

                                Erling KE 140 Mynd Haukur Sigtryggur 2016

             Erling Ke 140 kemur til Dalvikur Mynd Haukur Sigtryggur 2016

 

Samherji sem leigir skipið hefur því mátt hafa sig allan við að redda kvóta á Erling KE enn búið er að færa á Erling KE 513 tonn af grálúðu kvóta,

 

Erling KE var aftur á móti með hátt í 350 tonna óveiddan ufsakvóta, enn mjög erfitt reyndist vera veiða ufsan í net á vertíðinni og sérstaklega haustið 2015.  núna er búið að færa allan þennan óveidda ufsakvóta af Erlings KE yfir á Kaldbak EA og mun hann því reyna að klára að veiða þennan stóra ufsakvóta sem Erling KE á,

28.07.2016 19:52

1345 Blængur NK 125

I dag kom Blængur NK 125 til heimahafnar eftir gangerar breytingar i Póllandi 

Skipið hét áður Freri RE  það er allt hið glæsilegasta en skipið mun halda til

Akureyrar i næstu viku þar sem að sett verður niður nýr búnaður á millidekk 

stórvinur minn Guðlaugur B Birgisson sendi mér tvær myndir af skipinu þegar það 

kom til hafnar i dag og kann ég honum bestu þakkir fyrir 

Viðbót við fréttia fengin af heimasiðu SVN 

              Blængur NK kom til Neskaupstaðar í gær eftir gagngerar endurbætur í Póllandi.

Skipið lítur afar vel út og fer á næstu dögum til Akureyrar þar sem unnið verður við að koma upp búnaði á vinnsludekki.

Á heimsiglingunni frá Gdansk var Theodór Haraldsson skipstjóri og Geir Stefánsson fyrsti stýrimaður.

Tíðindamaður heimasíðunnar hitti þá um borð í Blængi í morgun.

Báðir töldu þeir að endurbæturnar á skipinu væru afar vel heppnaðar og það væri svo sannarlega tilhlökkunarefni að hefja veiðar á því.

Þá sögðu þeir að hér væri um afar gott sjóskip að ræða. „Þetta er sannkallað hörkuskip að öllu leyti“, sagði Theodór.

„Það var allt endurnýjað í brúnni og vinnuumhverfið þar er eins og í nýjustu skipum.

Þá voru íbúðirnar endurnýjaðar og eru þær orðnar nútímalegar og vistlegar.

Einnig var sett hliðarskrúfa í skipið og það allt sandblásið og málað hátt og lágt auk fleiri umbóta sem unnið var að.

Í skipinu er líkamsræktaraðstaða og komið var fyrir heitum stórum nuddpotti sem verður örugglega vel nýttur.

Á heimleiðinni var gangur skipsins kannaður og það fór í 16,7 mílur. Það verður gaman að veiða á þetta skip,“ sagði Theodór að lokum. 

Hér fyrir neðan má sjá myndir sem teknar voru um borð í Blængi NK að loknum endurbótum á skipinu:

           1345 Blængur NK 125 Mynd Guðlaugur B Birgisson 2016

          Komið að bryggju Mynd Guðlaugur B Birgisson 2016

brú blængur

                           Allt Nýtt i Brúnni mynd Hákon Ernusson 

 

pottur

                         Heitpotturinn mynd Hákon Ernusson 2016

 

klefi

               Klefar skipverja eru rúmgóðir mynd Hákon Ernusson 

 

DJI 0304 2

               Blængur Nk 125  mynd Hlynur Sveinsson 2016

 

28.07.2016 18:02

Rækjuverð i frjálsu falli

      

                             Sigurborg SH 12 Mynd þorgeir Baldursson 

Mikil Hækkun rækjuverðs hefur verið að ganga til baka og  hefur lækkað um 35% 

frá þvi á siðasta ári og einnig hefur verið minni veiði i Barentshafi og er allt að 25% minni veiði 

þar en i fyrra en þegar ég hafði samband við Eirik Sigurðsson skipstjóra  á Reval Viking EK 1202

sem að Reyktal A/S Gerir út ásamt 3 öðrum skipum 

vildi hann meina að veiðin i ár væri sist minni en undanfarið og til marks um það fylltu þeir 

skipið á 19 dögum sem að þykir mjög góður árangur ekki er talið að verðið falli meira 

þvi að dregið hefur úr framboði frá Canada bæði af pillaðri rækju og Iðnaðarrækju 

að sögn Óskars Garðarssonar framkvæmdastjóra Dögunnar á Sauðarkróki er þetta 

lika um að kenna fall sterlingspundsins þvi að Bretland er lykilmarkaður i fyrir þessar afurðir 

og liklegt að á brattann verði að sækja fyrir islenskar verksmiðjur vegna hækkandi launa 

aðfanga og annara kostnaðarliða sem að löngum hafa valdið erfileikum hjá þeim 

28.07.2016 16:57

Makrillinn kominn uppað suðaustur ströndinni

28.07.2016

ÁGÆT MAKRÍLVEIÐI Í SKEIÐARÁR- OG HORNAFJARÐARDJÚPI

Víkingur AK.

Víkingur AK kom til hafnar á Vopnafirði laust fyrir hádegi í dag með tæplega 800 tonn af makríl. Fyrir var í höfninni Venus NS en reiknað var með því að löndun úr skipinu lyki nú síðdegis. Það verður því nóg að gera í uppsjávarvinnslunni á Vopnafirði um verslunarmannahelgina.

,,Þetta var að mörgu leyti fínn túr. Við fengum strax mjög góðan afla í Skeiðarárdjúpinu og aftur gott hol síðdegis daginn eftir. Það var hins vegar lítið að hafa á Síðugrunni og við enduðum því í Hornafjarðardjúpi. Þar fékkst fínasti afli,“ segir Hjalti Einarsson skipstjóri á Víkingi. Hann segir að lítið hafi verið um skip á makrílveiðum og áhöfnin á Vikingi hafi aðeins orðið vör við Bjarna Ólafsson AK og Hákon EA sem hafi staldrað stutt við.

,,Ég á ekki von á því að það verði mörg skip á veiðum næstu tvo til þrjá dagana vegna verslunarmannahelgarinnar en það ætti að fjölga á miðunum frá og með sunnudeginum.“

Að sögn Hjalta eru menn aldrei alveg óhultir fyrir síld sem aukaafla á makrílveiðunum en með því að halda sig djúpt þá sé dregið úr þeirri hættu að síld slæðist með makrílnum.

,,Makríllinn sjálfur er komin í góð hold og samkvæmt prufum er uppistaða aflans hjá okkur 400 til 420 gramma fiskur. Við erum búnir að fara sjö veiðiferðir á makríl nú í sumar og vonandi dugar kvótinn okkur út september,“ segir Hjalti Einarsson.

Frétt af heimasiðu Hb granda 

28.07.2016 15:19

Sæbjúgu Humar og Saltfiskur hjá Hafnarnesi i Þorlákshöfn

Sæbjúgu humar og saltfiskur

by  | Jul 31, 2014 | Fréttir

Sæbjúgu humar og saltfiskur

 

Hafnarnes Ver er líklega minnsta humarvinnsla landsins, þar er þó hvergi slegið slöku við í vinnslunni. Ljósmynd Hjörtur Gíslason

Hafnarnes Ver er líklega minnsta humarvinnsla landsins, þar er þó hvergi slegið slöku við í vinnslunni. Ljósmynd Hjörtur Gíslason

Í Þorlákshöfn er fyrirtæki sem er bæði stórt og lítið. Það er líklega minnsta humarvinnsla landsins og stærst í veiðum og vinnslu á bæbjúgum. Saltfiskurinn og humarinn eru þó hryggjarstykkið í fyrirtækinu, sem hjónin Hannes Sigurðsson og Þórhildur Ólafsdóttir reka ásamt börnum sínum. Þau hafa stigið ölduna saman síðan síðan Þórhildur var kokkur á sjó með Hannesi. Útgerðin og fiskvinnslan gengur vel. Fjölbreytni í veiðum og vinnslu tryggir stöðuga vinnslu allt árið og þeim er umhugsað um að leggja sitt að mörkum til samfélagsins í heimabæ sínum.
Kvotinn.is skrapp í heimsókn í Hafnarnes Ver þar sem þau hjónin ráða ríkjum og rakti garnirnar úr Hannesi og maulaði harðfisk með honum.
„Útgerðin er burðarásinn í starfseminni og í landi er það saltfiskvinnsla og humar. Við erum líka í flatfiski og náum í makríl, þegar veiðar á honum eru í gangi. Við fluttum líka um tíma dálítið af harðfiski til Færeyja. Þá erum við töluvert í sæbjúgum, en það eru saltfiskurinn og humarinn sem bera landvinnsluna uppi mælt í verðmætunum,“ segir Hannes.  „Við erum með bátana Friðrik Sigurðsson og Jóhönnu í veiðunum á fiski og humri og bát sem heitir Sandvíkingur sem stundar veiðar á sæbjúgum og loks Sæfara, sem hefur verið á rækju. Hjá okkur eru núna um 50 manns í vinnu til lands og sjós.
Þetta er svona nokkuð hefðbundið hjá okkur ár eftir ár og við náum að tengja veiðar og vinnslu saman þannig að alltaf sé eitthvað í gangi hjá okkur. Við erum að vinna um 2.000 tonn af slægðum fiski upp úr sjó á ári í saltið, það eru þorskur, ufsi og langa. Við njótum svo þess heiðurs að vera minnsti humarframleiðandi landsins, erum með um 40 tonna kvóta miðað við hala. Við löndum honum öllum heilum og reynum að gera úr honum eins mikil verðmæti og hægt er, eins og reyndar öllu öðru. Sæbjúgun voru líka að skila okkur töluverðu 2010 og 2011, en svo kom mikið af bjúgum frá Rússlandi inn á markaðinn. Það leiddi til offramboðs og verðfalls á markaðnum sem við vorum á með tilheyrandi erfiðleikum, en nú er þetta aðeins að koma til aftur. Nú verða innflutningstollar af sæbjúgum í Kína felldir niður í áföngum eftir frísverslunarsamning Íslands og Kína. Fyrir vikið eru innflytjendur í Kína áhugasamari en þeir hafa verið.“
Skrítinn fugl kanínan, sagði maðurinn og eins má kannski segja að sæbjúgað sé skrítinn fiskur, því fiskur er það alls ekki, frekar en kanína fugl. En um þetta veit Hannes betur en flestir aðrir.

Mikið er unnið af sæbjúgum hjá Hafnarnesi Ver og fara þau á markað í Kína. Ljósmynd Hjörtur Gíslason

Mikið er unnið af sæbjúgum hjá Hafnarnesi Ver og fara þau á markað í Kína. Ljósmynd Hjörtur Gíslason

„Við köllum veiðarnar á sæbjúgunum að slóðadraga enda er ég úr sveit og ólst upp við að slóðadraga túnin á vorin. Þetta í raun eins konar slóði sem dreginn er eftir botninum og á endanum er poki sem haldið er opnum með járnboga. Bjúgun skoppa upp við slóðann og lenda í pokanum en slóðinn er svo hífður á svona hálftíma fresti og losað úr pokanum, það sem í hann er komið. Bjúgun fara svo í fiskikör og er landað að kvöldi dags. Veiðarnar eru háðar því að veður sé gott og því geta verið landlegur í þessu langtímum saman. Því er gott að hafa bjúgun sem aukabúgrein
Við ýmist heilfrystum þau eða skerum þau upp og hreinsum innyflin úr og frystum þannig. Svo erum við aðeins farin að reyna okkur við þurrkun á bjúgunum en það er í þróun og hefur gengið misjafnlega. Það eru þó nokkrir sem vilja kaupa, en þá er slagur um verðið. Þetta er ágætis uppfylling og var fínt út úr því að hafa þegar best var og verður vonandi svo á ný.
Eitt af því sem gæti leitt til þess er að menn sækist frekar eftir sæbjúgum úr veiðum, en eldi, er að mjög mikið af bjúgum er alið í Kína. Þá hafa villt sæbjúgu úr hreinum sjó Norður-Atlantshafsins ákveðið forskot, en það getur tekið langan tíma að nýta það. Fjölmargar tegundir eru til af sæbjúgum og mjög misjafnt milli markaða hvaða tegund hentar þeim. Það getur verið eftir héruðum, landshlutum og jafnvel borgarhlutum. Lokaafurðin er þurrkuð og þá eru þau svo lögð í bleyti fyrir matreiðslu líkt og skreið. Þau tútna þá út og ná nánast fyrri stærð.
Það er til að þau séu notuð sem aðalréttur en meira er um að þau séu notuð í súpur og salöt og svo meðlæti með öðrum mat eins og til dæmis önd. Þau eru líka möluð í fæðubótarefni. Kínverjar hafa mikla trú á bjúgunum sem hollustufæði, þau séu góð fyrir líkamann, fyrir vöðva og vinni gegn gigt. Ég hef verið að éta þetta í pilluformi frá því um áramót og mér finnst að það komi meiri jöfnuður á líkamsstarfsemina, meiri ró yfir líkamann við það. Verð á sæbjúgunum er afskaplega mismunandi, sæbjúgu frá Japan eru eftirsóttust og dýrust. Íslensku bjúgun eru hins vegar svo kölluð „verkamannabjúgu“ og því á lágu verði.“

Það er báturinn Sandvíkingur sem stundar veiðarnar á bæbjúgunum. Til þess er notaður svokallaður slóði, sem báturinn dregur á eftir sér. Ljósmynd Hjörtur Gíslason

Það er báturinn Sandvíkingur sem stundar veiðarnar á bæbjúgunum. Til þess er notaður svokallaður slóði, sem báturinn dregur á eftir sér. Ljósmynd Hjörtur Gíslason

Þá komum við að afurðum, sem betur eru þekktar.
„Það gengur vel að selja humarinn og verðið á honum hefur ekki lækkað. Aðra sögu er að segja um saltfiskinn, því verðið á honum hefur stórlækkað. Það varð hreinlega verðfall, en verðið er hægt og bítandi að hækka á ný. Við framleiðum nær eingöngu á Portúgal, enda erum við aðeins með netafisk, en hann hentar mjög vel í flattan fisk fyrir Portúgal. Þetta er í raun bæði stór og góður fiskur enda láta menn netin liggja svo stutt nú orðið, allt niður í bara tvo tíma. Þegar mest er af fiskinum er það alveg nóg og menn eru að fá alveg fínasta afla. Við verkum af eigin bátum en kaupum líka töluvert á mörkuðum. Við höfum líka verið dálítið í því að frysta söltuð ufsaflök fyrir markaðinn í Brasilíu, en verðið var orðið ansi lágt, en er reyndar að hækka aðeins á ný. Við höfum líka verið að þurrka saltaðan ufsa fyrir Púertó Ríkó. Þegar mestur gangurinn var í því fór um gámur á viku frá Íslandi þangað en nú er þetta dottið niður í einn gám á mánuði eða annan hvern mánuð. Mikil samkeppni frá alaskaufsa hefur valdið þessum samdrætti. Við eru aldeilis ekki einir í heiminum.“
Hannesi er humarveiðin hugleikin og vill að farið verði út í veiðar í gildrur eins og gert er víða annars staðar.
„Gildruveiðarnar skila miklu betri og verðmætari vöru en trollið. Stór og þung troll fara vafalítið fremur illa með botninn á humarbleyðunum og alltaf brotnar dálítið af humrinum við togveiðarnar. Við slíkar gildruveiðar mætti gefa mönnum svolítið forskot þegar þeir eru að öðlast þekkingu og reynslu til að byggja veiðarnar á. Þá mætti tala um veiðar utan kvóta til að byrja með og einhvern afslátt af veiðigjöldum. Það kostar auðvitað einhverjar fórnir að þróa slíkar veiðar og getur tekið einhver ár að ná tökum á þeim með tilheyrandi fórnarkostnaði. Færeyingar veiða töluvert af humri í gildrur og hafa náð góðum tökum á því. Ég hitti mann þar sem stundar þessar veiðar. Hann kemur með humarinn lifandi í land og setur hann í sjótanka, þar sem hann heldur honum lifandi og selur síðan þegar verð er hátt og eftirspurn góð. Það tók hann langan tíma að ná tökum á þessu, til dæmis var ekki sama hvar hann tók sjó í tankana. Þetta var reynt hérna á sínum tíma, en þá lentu menn í samstuði við togbáta, sem voru að toga á sömu slóðum.
Það vantar svolítið í sjávarútveginn hér að ýta undir tilbreytingu og nýsköpun, eins og til dæmis gildruveiðar. Það er meira hugsað um eftirlit með mönnum en að gera þeim kleift að reyna eitthvað nýtt. Það er einnig oft eins og að þeim sem fyrir eru finnist að sér vegið þegar eitthvað nýtt kemur til sögunnar.“
En hvernig finnst Hannesi staðan almennt vera í sjávarútveginum? Jú, honum finnst hún bara nokkuð góð. 
„Meðan við getum selt vöruna erum við í góðum málum. Verðið er aftur á móti númer tvö. Við verðum bara að fylgja markaðnum. Við getum ekki ákveðið verð sem við teljum okkur þurfa, en enginn getur búið við. Þá er allt stopp. Meðan við getum selt held ég að allt sé í góðu lagi. Markaðurinn ræður verðinu og við verðum að laga okkur að þörfum hans.
En sé litið á sjávarútveginn í heild á landinu er orðin ansi mikil samþjöppun og byggðaröskun samfara henni. Það er ákveðið áhyggjuefni og oft verða smærri byggðirnar illa úti í þessari þróun óverðugar. Það heyrir þá upp á Alþingi að finna eitthvert mótvægi við því sem frá byggðunum hefur farið í formi veiðiheimilda. Hér í Þorlákshöfn hefur til dæmis orðið mikill samdráttur sem hefur veikt byggðarlagið. Maður má ekki bara líta á dæmið sem útgerðarmaður, heldur sem almennur íbúi. Við eru þátttakendir í samfélaginu hver á sínum stað. Mig langar ekkert til að sjá höfnina hérna tóma. Það yrði mjög sorglegt. Alþingi verður að gæta þess að eitthvert lag sé á þessu og koma með virkar mótvægisaðgerðir sem til þessa hefur alveg skort. Löggjafinn verður að leysa þessi mál. Mér finnst það vera ákveðinn réttur byggðarlaganna að búa við öruggt aðgengi að lifibrauði eins og fiskveiðum, en það sýnist sitt hverju. Sífellt er talað um hagræðingu, en fyrir hvern er sú hagræðing? Og hver á að njóta ávinningsins af henni? Það eru margar siðferðislegar spurningar í þessu, sem ekki hefur verið svarað,“ segir Hannes.
Hann er búinn að stunda þorskveiðar og útgerð við Ísland býsna lengi. Hvernig metur hann stöðu þorskstofnsins og ráðleggingar Hafró um hæfilegan heildarafla?
„Það er ekki vafi að veiða mætti meira af þorski. Það myndi engan skaða.  Manni finnst matið ansi einkennilegt og nauðsynlegt sé að skoða betur þær aðferðir sem beitt er við stofnstærðarrannsóknir og hve mikið megi veiða hverju sinni. Ég tel líka að það sé alveg jafnmikil áhætta við að veiða minna en ráðlagt er og veiða umfram ráðgjöf. Í ráðgjöfinni felst einnig mikil ábyrgð en það má ekki byggja ákvörðunina á of mikilli varfærni,“ segir Hannes.
Á efstu myndinni eru hjónin Hannes og Þórhildur á skrifstofu Hafnarnes Ver. Ljósmynd Hjörtur Gíslason.
Frétt af www.kvotinn.is

Myndir Hjörtur Gislasson 

Eldra efni

Um mig

Nafn:

Þorgeir Baldursson

Farsími:

8620479

Heimilisfang:

Móasiða 4f Akureyri

Staðsetning:

Akureyri

Heimasími:

4626947

Um:

Fréttaritari Morgunblaðsins til sjávar og sveita og öll Almenn Ljósmyndun sem að tengist Sjávarútvegi

Tenglar

Flettingar í dag: 56
Gestir í dag: 21
Flettingar í gær: 1640
Gestir í gær: 171
Samtals flettingar: 9352363
Samtals gestir: 1332308
Tölur uppfærðar: 18.8.2019 00:34:07
www.mbl.is