fréttir af loðnuveiðum

Góður gangur í loðnunni:   fengið af www.eyjafrettir.is

30 þúsund tonn komin á land

Hrognataka að hefjast og búið að frysta 6000 tonn

Ísfélag og Vinnslustöð hafa tekið á móti 28.000 tonnum af loðnu í Vestmannaeyjum og þar af er búið að frysta 6.000 tonn. Hrognataka er hafin en bræla á miðunum hefur sett strik í reikninginn og á miðvikudag voru loðnuskipin við Reykjanes.

Sighvatur VE kom inn á þriðjudagskvöld með 600 tonn sem fengust á Selvogsbanka. Klárað var að landa 500 tonnum úr Kap VE aðfaranótt miðvikudags og þá hófst löndum úr Sighvati og aflinn úr báðum skipunum fór í frystingu.

Guðni Ingvar Guðnason, útgerðarstjóri

Vinnslustöðvarinnar sagði á miðvikudagsmorgun

að loðnan væri nú vestan við Eyjar en skipin hafa leitað vestur undir Reykjanes til að vera í skjóli enda bræla á miðum. Stefán Friðriksson, aðstoðarframkvæmdastjóri Vinnslustöðvarinnar, sagði að þar á bæ væri búið að taka á móti 13.000 tonnum af loðnu á vertíðinni og u.þ.b. 3000 tonn hefðu verið fryst á Japans- og Rússlandsmarkað. Áætlað var að hefja hrognafrystingu á fimmtudag.

Hrognataka var að hefjast hjá Ísfélagi á miðvikudag en þá var verið að landa 1200 tonnum úr Sigurði VE.

Eyþór Harðarson, útgerðarstjóri, sagði að skip Ísfélagsins væru búin að veiða 30.000 þúsund tonn af loðnu og 15.000 tonn væru komin á land í Eyjum.

Ísfélagið er með sex skip við loðnuveiðarnar.

Björn Brimar, vinnslustjóri Ísfélagsins sagði að búið væri að vinna 3.000 tonn

vika, en veðrið hefur sett strik í veiðarnar og áta í loðnunni.