Snurparen Artus vart døyp i Fosnavåg laurdag ettermiddag. Båten er den femte i rekka med samme namn, og vil gå rake vegen til Bjørnøya for å fiske hyse og sei.
Det nær 50 meter lange og 12 meter breie fiskefartøyet er eit Havyard 515-design med fryseisolert lasterom og overbygd tørrdokk.
- Vi har gleda oss stort til denne dagen, til sjølve dåpen og til å ta båten i bruk, seier dagleg leiar Magne Sævik i Brattholm Invest i ei pressemelding.
Sævik som óg er ein av hovudaksjonærane, seier dei med denne båten har eit nytt konsept. I tillegg til makrell, sild og loddefiske, har dei lagt til rette for fangst av kvitfisk.
- No vert det snarleg tur til Bjørnøya på fiske etter hyse og sei. Kanskje klarar vi seks turar i sommar før makrellsesongen skyt fart i august, seier Sævik.
