Gamli og nýji timinn 

Brýrnar svolitið ólikar                               Glæsilegur Hjalteyri i bakgrunni

                                       155 - Lundey NS14 

1585 - Sturlaugur H Böðvarsson AK 10

             Gamli Sigurður VE 15 á sinni siðustu vertið 2012

Nýi Sigurður mynd af vef Isfélags Vestmannaeyja Nýju skipi Ísfé­lags Vest­manna­eyja hf. var gefið nafnið Sig­urður í Celiktrans skipa­smíðastöðinni í Ist­an­búl í Tyrklandi í dag. Skipið verður af­hent til­búið til veiða á næstu dög­um og fær það ein­kenn­is­staf­ina VE 15. Sig­urður VE er 80 metra lang­ur og 17 metra breiður og er vel bú­inn til veiða á upp­sjáv­ar­fiski s.s. loðnu, síld, mak­ríl og kol­munna.  Aðal­vél­in er 4.500 kW og kæliget­an er 2x1.300.000 kcal/?klst. Kælitank­ar skips­ins  eru 12 og eru sam­tals 2.970 rúm­metr­ar þannig að burðargeta skips­ins er mik­il og styður hún vel við öfl­uga land­vinnslu fé­lags­ins í Vest­manna­eyj­um og á Þórs­höfn. Eldra skip Ísfé­lags­ins með sama nafni var smíðað árið 1960 í Þýskalandi og var 72 metra langt og 10 metra breitt.  Í því var 1.766 kW Nohab Pol­ar aðal­vél og bar skipið um 1.500 tonn í lest­um sem ekki voru út­bún­ar til að kæla afl­ann.  Í frétta­til­kynn­ingu Ísfé­lags­ins seg­ir að kaup­in séu liður í end­ur­nýj­un á skipa­flota Ísfé­lags­ins og þátt­ur í hagræðing­araðgerðum þess ekki síst í kjöl­far  sí­fellt auk­inn­ar skatt­lagn­ing­ar stjórn­valda. „Fé­lag­inu er ætlað að greiða um einn og hálf­an millj­arð í veiðigjöld og tekju­skatt á þessu ári og er fé­lag­inu því nauðsyn­legt að fækka skip­um og auka hagræði á öll­um sviðum rekst­urs­ins.“ Gera má ráð fyr­ir að hið nýja skip leysi tvö af eldri skip­um fé­lags­ins af hólmi með til­heyr­andi lækk­un olíu- og launa­kostnaðar.  Skip­stjóri á Sig­urði VE 15 er Hörður Már Guðmunds­son og yf­ir­vél­stjóri er Svan­ur Gunn­steins­son.

              Eirikur Ragnarsson skipstjóri i Brúnni  Á Helgu Mariu ak 16

           Tölvuteikning   Af vef Bæjarins Besta © 2014

Hraðfrystihúsið-Gunnvör í Hnífsdal (HG) hefur ákveðið að ráðast í nýsmíði á ísfisktogara sem byggður verður í Kína eftir íslenskri hönnun. Skipið mun kosta um 1,5 milljarð króna fullbúið og er gert ráð fyrir því að það verði afhent eftir 18 mánuði. Nýsmíðin var kynnt á fundi í Edinborgarhúsinu á Ísafirði í dag, en um talsverð tímamót er að ræða það sem þetta er stærsta einstaka fjárfesting sem gerð hefur verið í sjávarútvegi á Vestfjörðum um langa hríð. Síðasta stóra nýsmíði í vestfirskum sjávarútvegi var fyrir 20 árum síðan þegar Guðbjörg ÍS kom til heimahafnar á Ísafirði haustið 1994. Þörf hefur verið á endurnýjun á hluta skipa HG sem komin eru til ára sinna og hefur undirbúningur þess staðið í nokkurn tíma. Eftir að hafa velt upp möguleikanum á að kaupa notað skip eða að endurbyggja Pál Pálsson, gekk HG til samstarfs við við Vinnslustöðina í Vestmannaeyjum (VSV) árið 2010 um þarfagreiningu varðandi hönnun og smíði á nýjum togurum. 

Við hönnunina, sem var í höndum Verkfræðistofunnar Skipasýnar og starfsmanna HG og VSV, var lögð megináhersla á eftirfarandi: 

Í fyrsta lagi að aðstaða til vinnslu afla væri sem best til að tryggja gæði hráefnisins og nýtingu alls afla, þ.m.t. aukahráefnis s.s. lifrar og slógs.Í annan stað var lögð sérstök áhersla á orkusparnað við hönnun skrokka skipanna og við val á framdrifsbúnaði, auk þess sem togvindur verða rafdrifnar.Sjálfvirkni tækjabúnaðar á millidekki, í lest og við löndun. Að allur aðbúnaður áhafnar verði í samræmi við nútímakröfur. 

Niðurstaðan varð sú að skipin verða 50,7 metrar að lengd og 12,8 metra breið. Vegna nýstárlegrar hönnunar á skrokkum skipanna og mun stærri skrúfu heldur en nú tíðkast á þessari stærð skipa, er áætlað að þau hafi um 60% meiri veiðigetu en þau skip sem þau leysa af hólmi án þess að eyða meiri olíu. Þá verða skipin búin þremur rafdrifnum togvindum og geta því dregið tvö troll samtímis. 

HG og VSV leituðu tilboða í smíði á skipunum, frá skipasmíðastöðvum í Danmörku, Noregi, Póllandi, Tyrklandi og Kína og reyndist tilboð frá Huanghai skipasmíðastöðinni í Rongcheng í Kína hagstæðast og tókust samningar við þá stöð. 

Í fréttatilkynningu segir Einar Valur Kristjánsson, framkvæmdastjóri HG, að síðustu fimmtán ár hafa ekki leyft fjárfestingar félagsins í nýjum skipum. Einar Valur kveður fyrirtækið hafa verið að byggja sig upp með kaupum á veiðiheimildum og til lítils sé að ráðast í fjárfestingar í skipum séu nægar veiðiheimildir ekki til staðar. 

„Þörfin á endurnýjun ísfiskskipanna helgast af nauðsyn þess að geta þjónað landvinnslu fyrirtækisins sem best með tilliti til góðs hráefnis og rekstraröryggis, enda krefst markaðurinn afurða af góðum gæðum á réttum tíma,“ er haft eftir Einari Val. „Einnig er lykilatriði að ná fram orkusparnaði samfara auknum gæðum hráefnis til að þjóna sífellt auknum kröfum markaðarins, þetta er jú allt ein keðja; veiðar, vinnsla og markaðssetning. Síðast en ekki síst þarf fyrirtækið að standast samkeppni við erlenda keppinauta úti á markaðnum þar sem samkeppnin fer sífellt vaxandi. Einnig er vert að benda á að helstu keppinautarnir erlendis njóta ríkisstyrkja á meðan íslenskur sjávarútvegur greiðir fyrir afnot af auðlindinni til ríkisins. Ég hef sagt að eðlilegt sé að greiða fyrir aðganginn að auðlindinni þó að mér finnist gjaldið alltof hátt og lítið af því skili sér til baka út á landsbyggðina þar sem starfsemin á sér stað,“ segir í fréttatilkynningu frá HG. 

Einar tekur einnig fram að alltaf sé viss áhætta við svo stóra fjárfestingu. „Við erum vel meðvituð um áhættuna samfara breytingum á afkastagetu fiskistofna, en vitum minna um aðra áhættuþætti, þar á ég við endurskoðun og breytingu á stjórnkerfi fiskveiða og mikla hækkun veiðigjalda. Þetta er mikil fjárfesting til langs tíma og því mikilvægt við slíka ákvörðunartöku að hafa fyrirsjáanleika, geta treyst því að rekstrargrundvelli verði ekki kippt undan rekstrinum á augabragði,“ segir Einar Valur Kristjánsson. 

   Fjölmenni við afhjúpun minnisvarðans © Mynd Isak Fannar sigurðsson
 

Tf Sýn lent i Vöðlavik ©  mynd Isak Fannar Sigurðrsson 2014    Fallegt veður i Vöðlavik þennan dag © mynd Isak Fannar Sigurðsson 2014