Sjö norskir togarar hafa fengið leyfi til að veiða karfa í Síldarsmugunni í haust. Norðmenn vonast til að geta látið að sér kveða í þessum veiðum í ár að því er fram kemur á www.fiskebat.noVeiðar á karfa á alþjóðlega hafsvæðinu, sem Norðmenn kalla Norska hafið, hafa verið stundaðar í nokkur ár. Íslensk skip hafa tekið þátt í þessum veiðum að einhverju marki. Nýlegar rannsóknir benda til þess að erfðafræðilegur skyldleiki sé á milli karfans í Síldarsmugunni og úthafskarfans í efri lögum sjávar. Jafnframt er skyldleiki á milli þessa karfa og karfa í Barentshafi. Norðmenn hafa mótmælt karfaveiðum á þessu svæði og Alþjóðahafrannsóknaráðið hefur lagt til að engar veiðar verði stundaðar þarna í ár. Á aukafundi NEAFC í sumar var hins vegar áveðið að leyfa veiðar á 15.500 tonnum af karfa í Síldarsmugunni. Veiðarnar mega hefjast 1. september og standa til 15. nóvember. Um olympiskar veiðar verður að ræða.Þau sjö norsku skip, sem fá leyfi til veiðanna, eru skip sem annaðhvort hafa veiðireynslu á Irmingerhafi eða á alþjóðlegu hafsvæði í fyrra.
