Verðlaunalax i Jónas Viðar Gallery

 laugardaginn 12 apríl kl 15.00 opnaði Haraldur Ólafsson sýningu í Jónas Viðar Gallery í Listagilinu á Akureyri Haraldur er hamskeri og hefur hann unnið til fjölda verðlauna á því sviði út um allan heim hann sýnir okkur eitt verk að þessu sinni. Um Listaverkið og listamanninn segir í tilkynningu frá galleryinu:

Uppstoppaður Lax sem ættaður er  úr Laxá í Aðaldal  og var gerður fyrir Heimsmeistaramót sem haldið var í Salzurg í Austurríki í febrúar 2008. Keppti fiskurinn í meistaraflokki  og fékk fyrstu einkunn eða 90 stig af 100 mögulegum. Ef grannt er skoðað þá má sjá fiska sem eru tálgaðir út úr rekaviðrót sem er umgjörð utan um verkið og gert í þeim tilgangi til að skora stig fyrir listræna útfærslu á verkinu.

Haraldur Ólafsson er fæddur á Akureyri 1962 og menntaður sem tækniteiknari og starfaði sem slíkur um tíu ára skeið á Póst og síma hér í bæ,  hann byrjaði fljótlega upp úr 1990 að stoppa upp fugla og var þetta sem áhugamál til að byrja með.

Haraldur vann nokkur ár sem Fangavörður við fangelsið á Akureyri en árið 1997 tók hann þá ákvörðun að helga sig eingöngu list sinni og hefur hann starfað sem Hamskeri (uppstoppari) síðan þá. Frá árinu 2000 hefur Haraldur  tekið þátt í 9 stórum sýningum og keppni í þeirri listgrein sem hefur verið kölluð Hamskurður og eða Uppstoppun og sérhæft sig  í fiska-uppstoppun, má segja að sú grein tengist listmálun allnokkuð ,þar sem litir,málun og litgreining fara saman. heimild Dagur.net mynd þorgeir Baldursson