Netarall Hafró 2008 /Þorleifur EA 88

 Þrír rannsóknarmenn, þau Inga Fanney Egilsdóttir, Reykjavík, Tryggvi Sveinsson, Akureyri, og Örn Guðnason, Reykjavík, verða með í ferðinni sem mun spanna 15 daga. Þetta er líka í fyrsta skipti sem svæðið í kringum Grímsey er tekið með í ralli.

Annars mun Þorleifur taka fyrir allt svæðið frá Hornströndum til Þistilfjarðar. Netarallið er vorfyrirbæri, sjö svæði eru tekin fyrir og þannig hefur verið unnið í meira en tíu ár. Rannsóknarmennirnir þrír koma sér upp nokkurs konar vinnuskúr um borð í Þorleifi því tækin eru viðkvæm fyrir veðrum og vindum. Lögð eru 12 net í trossu með mismunandi möskvastærð. Fiskur er svo tekinn úr hverju neti, mældur, kvarnaður, kynþroskagreindur og aldursgreindur. 300 þorskar alls úr hverri trossu eru rannsakaðir. .

Aflinn misjafn

Í gær hafði áhöfnin á Þorleifi farið yfir svæðið frá Grímsey og vestur um á Strandir. ?Það hefur verið allur gangur á veiðinni hjá okkur, allt frá því að vera gott og niður í skítlélegt. Þetta er mjög mismunandi eftir stöðum,? sagði Gylfi Gunnarsson skipstjóri í gær. Þeir voru þá inni á Skagafirði.

Gylfi segir að veiðin hafi verið léleg við Strandirnar, inni í Steingrímsfirði og Trékyllisvík. Það hafi hins vegar verið mikið af smásíld í Steingrímsfirðinum og inni í Miðfirði og einnig í Skagafirðinum. Hins vegar væri mjög lítið af fiski á þeim slóðum. Besta þorskveiðin hefði verið við Grímseyna en þar voru upp í 400 fiskar í trossu. Gylfi segir reyndar líka að sá fiskur sem þeir séu að fá upp við landið sé algjör boltafiskur.

Þorleifur er um það bil hálfnaður í netarallinu enda er svæðið stórt. Allt frá Ströndum í vestur og austur að Langanesi.Heimild MBL Hjörtur Gislasson