Þó Njarðvík hafi hér áður fyrr verið þekktari fyrir smíði eika- og/eða stálskipa, tók plastið yfirhöndina þar sem annarsstaðar. Á tímabili voru tvær skipasmíðastöðvar í Njarðvík sem byggðu þilfarsbáta úr plasti, önnur þeirra er nú flutt annað, en hin hætt starfsemi. Svo við förum aftur til ársins 2004 en í mars mánuði á því ári afhentu báðar þessar smiðjur nýja báta sem myndir koma af hér. Annars vegar þá er það Sólplast ehf., fyrirtæki sem nú hefur flutt í Sandgerði og er einmitt þessar vikurnar að ljúka frágangi á nýjum þilfarsbáti þar. Bátur sá sem mynd birtist af hér er Grunnvíkingur HF 163. Hin smiðjan er Mótun ehf. smiðja sem var áður en til Njarðvíkur kom bæði í Hafnarfirði og eins í Kanada. Sú smiðja hefur smíðað alls um 500 báta bæði með og án þilfars og í Njarðvík áður en yfir lauk smíðuðu þeir á 3ja tug þilfarsbáta. Sá bátur frá þeim sem hér birtist mynd af Daðey GK 777 var á þeim tíma fyrsti plastbáturinn á Íslandi sem var yfirbyggður og með beitningavél og því talið algjört tækniundir á þeim tíma.
Daðey GK 777 ©Emil Páll
Grunnvíkingur HF 163 ©Emil Páll