© foto salvador/angel L Godar Moreira 2008
Fyrsta starfsári félagsins fagnað í nýju húsnæði
Höfuðstöðvar Kötlu Seafood hafa verið fluttar úr Hafnarfirði til Reykjavíkur. Nýja skrifstofan er staðsett á 8.hæð í Húsi Verslunarinnar og deilir húsnæði með Reykjavíkurdeild sölufyrirtækisins Ice Fresh Seafood. Á sama tíma og starfsmenn og gestir þeirra fögnuðu því að nýja skrifstofuhúsnæðið var formlega tekið í notkun var haldið upp á eitt ár er liðið frá því að núverandi eigendur tóku við erlendum rekstri Sjólaskipa og Katla Seafood var stofnuð. Starfsmenn Reykjavíkurskrifstofu Kötlu Seafood eru 14 talsins en einnig er rekin skrifstofa á vegum félagsins í Las Palmas á Kanaríeyjum. Heimild www.samherji.is
