|
Hinn nýi hafnsögubátur Grindvíkinga kom til hafnar kl 09:00 í morgun. Í föruneyti sigldu gamli hafnsögubáturinn Villi og hafnarstarfsmenn ásamt Oddi V Gíslasyni og Árna í Tungu og björgunarsveitarmenn frá Grindavík. Hið nýja skip er smíðað i Vigo á Spáni og er hið glæsilegasta í alla staði, þeir Sverrir Vilbergsson hafnarstjóri og Sæmundur Halldórsson sigldu bátnum 1740 sjólmílna leið. Um 50 manns tóku á móti skipinu á bryggjunni og bauð varaformaður hafnarstjórnar Guðbjörg Eyjólfsdóttir, skipsverja velkomna eftir langa siglingu og óskaði Grindvíkingum til hamingju með fleyið. Séra Elínborg Gísladóttir sóknarprestur Grindavíkur blessaði skip og áhöfn og flutti bæn. Að því loknu var boðið til kaffisamsætis í Saltfisksetri Íslands. Texti og mynd af grindavík.is
|
