Skútan sem enginn kannast við. Mynd: DV.
"Ég hef eiginlega ekkert um málið að segja," segir Sigríður Kristinsdóttir, lögmaður bæjarfélagsins Hafnar í Hornafirði, um skútuna Ely sem hefur legið við bryggju í höfninni síðan í fyrrahaust.
Enginn hefur gert kröfu í skútuna en eigandinn skuldar mikla fjármuni í hafnargjöld. Lögreglan á Höfn hefur, líkt og fleiri stofnanir ríkisins, reynt að finna eigandann en ekkert fundið. Grunur leikur á að eigandinn sé erlendur. Skútan Ely er af nýrri gerð sem kostar rúmar 20 milljónir króna að sögn fróðra manna.
Þrátt fyrir það hefur enginn vitjað skútunnar og enginn virðist vita hvaðan hún kemur eða hver á hana. Úr dv.is
