Að undanförnu hafa komið upp nokkur dæmi þess að bátar sem legið hafa aðgerðalausir í mjög langan tíma í höfnum eru nú komnir í útgerð að nýju. Sæljós GK 185 er einn þeirra báta, en hann hafði legið aðgerðalaus í Njarðvíkurhöfn á annað ár, er útgerð hans hófst að nýju nú í vikunni. Sögur herma að eigandi hans sem einnig átti gamlan trébát og lá í Reykjavíkurhöfn sé nú búinn að selja hann og sé verið að endurbæta hann, en síðan muni hann fara til Noregs.
1068. Sæljós GK 185 © mynd Emil Páll