Tveir hætt komnir í skipslest

Ingunn AK var að landa gulldeplu á Akranes í dag, þegar slysið varð.

Tveir hætt komnir í skipslest

Vinnufélagi mannsins fór þá niður í lestina til að huga að honum en missti sjálfur meðvitund þegar þangað var komið. Aðrir skipverjar sýndu þá af sér mikið hugrekki, settu á sig reykköfunarbúnað og fóru niður í lestina á eftir hinum tveimur, að sögn lögreglu. Þeim tókst að koma beisli á mennina tvo, sem legið höfðu um nokkra hríð meðvitundarlausir. Þá tókst að hífa þá upp úr lestinni með krana á skipinu.

Mennirnir voru fluttir á sjúkrahúsið á Akranesi, en lífsmark þeirra var mjög veikt eftir veruna niðri í lestinni. Mennirnir eru nú báðir komnir til meðvitundar, að sögn vakthafandi læknis á sjúkrahúsinu, en að sögn lögreglu hafði sá sem skemur var niðri komist til meðvitundar nokkuð fljótt. Um 20 mínútur tók að koma mönnunum upp úr lestinni, að sögn varðstjóra, svo ljóst er að þeir voru mjög hætt komnir. Þyrla landhelgisgæslunnar var sett í viðbragðsstöðu en hjálp hennar var afþökkuð þegar til kastanna kom.

Fyrir um klukkustund voru mennirnir báðir sendir á Landsspítalann í Reykjavík, með sjúkrabíl, til nánari aðhlynningar. Því virðist sem að mun betur hafi farið en á horfðist í fyrstu. HEIMILD MBL.IS