10.02.2009 00:18

Síldarævintýri á Siglufirði

Þorsteinn Pétursson á Akureyri hefur verið duglegur að senda okkur myndir eftir hina ýmsu ljósmyndara og þá oft myndir sem eru nokkuð gamlar og því sumar hverjar orðnar hreinir gullmolar. Nú hefur hann sent okkur stóran pakka sem inniheldur um 80 myndir sem allar eru teknar á Siglufirði að mér sýnist samkvæmt bátunum, einhvern tímann á 4. áratug síðustu aldar. Myndirnar sýna báta á síldveiðum, síldarlöndun, síldarsöltun og mannlífið á þessum árum. Segir Steini Pé að ljósmyndari hafi verið einhver Kiddi Hall á Akureyri og því munum við merkja myndirnar honum. Hefur okkur tekist að finna út nöfn á meirihlutanum að bátunum, en þó eru þó nokkrar myndir sem við vitum ekki nein deili á og munum við birta þær þannig. Munum við dreifa myndunum á næstu vikum og mánuðum og sendum um leið kærar þakkir norður yfir heiðar. Samkvæmt áliti hér fyrir neðan er talið að þetta séu Samvinnubátarnir frá Ísafirði og ljósmyndarinn heiti fullu nafni Kristján Hallgrímsson, en verður þó áfram nefndur Kiddi Hall.

Síldarbátar á Siglufirði, trúlega Samvinnubátarnir frá Ísafirði © myndir Kiddi Hall

Skrifað af Emil Páli

Tengill á færslu

Bæta við áliti

Sýna álit