Oddur á Nesi úr leik
.. kviknaði í stýrishúsinu
Nú þegar er hafin vinna við að þrífa allt sót © mynd Smári 245.is
Þriðjudaginn 17. febrúar síðastliðinn varð línubáturinn Oddur á Nesi fyrir því óhappi að það kviknaði í stýrishúsinu. Greiðlega gekk að slökkva eldinn, en Slökkvilið Sandgerðis var komið á staðinn innan nokkurra mínútna. Talið er að kviknað hafi í út frá fjöltengi, en rannsókn stendur yfir.
Oddur er kominn til Bátasmiðjunnar Sólplasts þar sem áætlað er að viðgerð taki um mánuð, enda báturinn mjög illa farinn eins og sjá má á meðfylgjandi mynd.
