Lucky Star ex 1023. Faxaborg SH., Skarfur GK, Fylkir NK, Eyjaver VE, Sölvi Bjarnason BA og Sléttanes ÍS © mynd Emil Páll
Skip þetta sem hefur verið selt Grikkjum, með heimahöfn í Tansaníu og verður gert að þjónustuskipi fyrir túnfiskveiðiskip. Fór það frá Ólafsvík trúlega í gær og átti að fara beint til Grikklands, með viðkomu í Færeyjum, en sennilega vegna slæmrar veðurspár lagðist það inn á Keflavíkina.
Umræddur bátur var mikið í fréttum meðan hann hét Skarfur GK 666 og var undir skipstjórn Péturs heitins Jóhannssonar. Fyrir utan það að vera með aflahæstu skipum, fékk það viðurkenningu frá Fiskmarkaði Suðurnesja fyrir góð gæði og góða ísun afla. Þá fékk það viðurkenningu Siglingamálastofnunar ríkisins fyrir góða umhirðu og gott ástand öryggismála.
