Þó ég hafi oft farið um fjöruna fyrir neðan fiskeldisstöðina í Vogavík við Vogastapa, hef ég aldrei tekið eftir flaki því sem myndir birtast nú af og Þórarinn Ingi Ingason, flugstjóri benti mér á. Hugsanlegt er að þetta sé frá þeim tímum sem nokkrir Akurnesingar með Harald Böðvarsson í fararbroddi stofnuðu til útgerðarstöðvar í upphafi síðustu aldar á Vogahólma. Þetta getur líka verið mun yngra og því spyrjum við ykkur lesendur góðir hvort þið vitið eitthvað um málið. Þó margir bátar hafi verið brenndir undir Vogastapa, var það mikið nær Njarðvík sem það gerðist, en ekki þarna nánast við Voga. Sjáum við nú fjórar myndir sem Þórarinn Ingi tók úr lofti af flakinu og vonandi finnst einhver sem veit eitthvað um hvaða flak þetta sé.
