Gengið hefur verið frá samningum um sölu á Jónu Eðvalds II SF. Kaupandi er útgerðarfélagið Havdron í Hjellestad í Noregi. Fyrirtækið á eitt skip fyrir og verður Jóna Eðvalds viðbót við skipastól þeirra, að því er fram kemur á vef Skinneyjar-Þingness hf. Jóna Eðvalds kom í eigu Skinneyjar-Þinganess árið 2003 en þá var skipið keypt frá Hjaltlandseyjum. Skipið var smíðað í Noregi 1987 fyrir Íslendinga og hét þá Pétur Jónsson. Jóna Eðvalds II hefur legið verkefnalaus í Hornafjarðarhöfn síðastliðið ár. Skipinu var gefið nýtt nafn áður en það sigldi til áleiðis til Bergen sl. föstudagskvöld og heitir það nú Krossöy. Kom þetta fram á vefnum SKIP.IS
