Svafar Gestsson frá Húsavík, núverandi vélstjóri á Jónu Eðvalds SF, hefur sent okkur til birtingar mikið magn af myndum sem hann hefur tekið á skipum og af skipum víða um heim. Myndir þær sem hann sendi okkur nú eru t.a.m. teknar hérlendis, í Ghana, Færeyjum, Portúgal-Algarve, Póllandi, Marokko, Las Palmas og Skotlandi. Myndirnar sem teknar voru í Ghana, voru teknar er hann var vélstjóri á Húnarröstinni sem flaggað var í skamman tíma þangað niður eftir og kom síðan heim aftur. Sýna myndirnar lífið um borð, veiðarnar, önnur skip, fiskiflóruna og margt annað skemmtilegt.Verða þær birtar í smá skömmtun og dugar þetta örugglega í marga mánuði. Sjálfur hefur hann þetta að segja um aðstæður þarna:
Í höfninni í Thema í Ghana varð maður að fara með myndavél eins og þjófur að nóttu þar sem herinn er með aðstöðu í sömu höfn og við vorum í og allar myndatökur bannaðar og var því fylgt strangt eftir. Það eru reyndar bara tvær hafnir í Ghana í Thema þar sem við vorum og svo Takoradi. Til að komast inn á hafnarsvæðið þurfti maður að hafa sérstakann hafnarpassa og fara í gegnum 4 hlið með tilheyrandi veseni. Fyrirtæki það sem ég vann hjá í Ghana heitir: Salvation Merchant Fishing company.
Sendum við Svafari bestu þakkir fyrir.
249. Hafnarröst í Las Palmas
Addy bókarinn hjá fyrirtækinu
Anaman með rottu
Áhöfn ásamt Bóbó skipstjóra
Baracuta © myndir Svafar Gestsson