490. Gullborg VE 38 © mynd Emil Páll 1972.
490. Gullborg VE 38 © mynd Þorgeir Baldursson
Smíðaður hjá Nyborg Skipswærft í Nyborg í Danmörku 1946. Báturinn var sögufrægt skip til margra ára undir skipstjórn Benónýs Friðrikssonar, Binna í Gröf. Báturinn var endurbyggður hjá Bátalóni hf. í Hafnarfirði 1967. Til stóð að varðveita bátinn í Vestmannaeyjum en hætt var við það og fór hann aftur í útgerð sem stóð þó ekki nema eina vetrarvertíð og frá 2002 hefur hann verið í Reykjavík, fyrst við bryggju eða þar til hann sökk þar þá var hann tekinn upp í slipp þar sem hann er raunar ennþá. Á tímabili stóð til að gera hann að safngripi í Njarðvík, en það dagaði uppi.
Nöfn: Erna Durnhuus (frá Færeyjum), Gullborg RE 38, Gullborg VE 38, Gullborg SH 338 og Gullborg II SH 338
