Jóhann Sigurbjörnsson við líkanið af 537. Haferni EA 155 Nýverið fékk Þorgeir þetta bréf ásamt meðfylgjandi myndum og birtum við erindið að sjálfsögðu:
Sendi þér tvær myndir sem ég tók um daginn. Þannig var að faðir minn Jóhann Sigurbjörnsson varð áttræður 4. sept s.l svo við systkynin og fjölskyldur okkar létum smíða líkan af Haferni EA 155 (537) og gáfum honum.
Báturinn var smíðaður fyrir föður minn og Björn Kristinsson í Slippnum 1961.
Þeir sem eldri eru muna sjálfsagt einhverjir eftir honum ,en hann var gerður út frá Rifi á vertíðum og svo á nót á sumrinhér fyrir norðan. Hann var svo seldur til Siglufjarðar 1973 þegar faðir minn lét smíða annan bát hjá Skipasmíðastöð KEA,
Líkanið smíðaði Elfar Þór Antonson á Dalvík, og er það lista vel gert.
kv Þröstur í Hrísey
Líkanið af 537. Haferni EA 155 gert af Elvari Þór Antonssyni, Dalvík © myndir Þröstur í Hrísey
