Hvatningarverðlaun Samherja H/F

     Heimir Kristinsson © Mynd Þorgeir Baldursson 2009

Heimir er yfirvélstjóri á Snæfelli EA 310
 

Samherji hf. hefur veitt 14 af starfsmönnum sínum sérstök hvatningarverðlaun fyrir framúrskarandi  mætingu til vinnu á árinu 2009. Starfsmennirnir hafa hver um sig fengið ferðaávísun að upphæð 100 þúsund krónur.  Það er stefna Samherja að stuðla að bættri heilsu og vellíðan starfsmanna sinna.  Einn liður í því er að greiða niður kostnað við líkamsrækt og ýmsa íþróttaiðkun starfsmanna.  Á árinu 2009 nýttu um eitt hundrað starfsmenn sér sérstakan íþróttastyrk Samherja og hefur þeim sem nýta sér þennan styrk  farið stöðugt fjölgandi frá því byrjað var á þessum styrkveitingum fyrir sex  árum.  Samstarf Samherja og Heilsuverndar er hluti af þessari stefnu en það samstarf hefur gengið vel og heldur vel utan um heilsufar starfsmanna auk þess sem Heilsuvernd gefur reglulega út pistla um bætta heilsu sem dreift er á starfstöðvum félagsins.Annar angi þess að stu ðla að bættri heilsu starfsmanna er að sérstöku heilsuátaki hefur  verið hrint af stað á skipum Samherja.  Átakið felst m.a. í því að breyta mataræðinu um borð og stuðla að aukinni hreyfingu bæði um borð og í frítíma sjómanna.  Með því vonumst við til að álagstengdum slysum fækki og almennt heilbrigði aukist.Þetta verkefni hefur nú verið í gangi hjá Samherja í þrjú ár.  Við erum að ná sýnilegum árangri sem við erum ánægð með.   Við stefnum á nýju ári að því a&e th; gera enn betur og að meirihluti starfsmanna nýti  sér íþróttastyrkinn sem í boði er og fari í kjölfarið að stunda reglulega hreyfingu. Eftirtaldir starfsmenn hljóta hvatningarverðlaun Samherja fyrir árið 2009:

Gunnlaugur Valgeirsson

skipaþjónusta    

Teitur Arnlaugsson      Fiskeldi   

Gunnþór Guðmundsson     Fiskeldi   

Jóhann Pálsson    Oddeyrin EA-210  

Jóhann Valur Ólafsson   Vilhelm Þorsteinsson EA-11   

Brynjar Sigurðsson      Margrét EA-710   

Heimir Kristinsson      Snæfell EA-310   

Þórhallur Jóhannsson    Björgvin EA-311  

Gunnlaugur Hólm Sigurðsson    Björgúlfur EA-312

Einar Guðmundsson Þorvarður Lárusson SH-129    

Eiður Arnar Sigurðsson  Dalvík     

Teresita Abellar Perez  Dalvík     

Elizabeth Remedio Rico  Dalvík     

Zbigniew Mozejko  Hausaþurrkun