Július Júliusson © mynd þorgeir Baldursson
Júlíus Júlíusson, framkvæmdarstjóri fiskidagsins mikli segir undirbúning vera í fullum gangi enda sé 10. ára afmæli
þessa sívinsæla dags framundan. Júlíus segir að mikið sé um nýjungar í ár í tilefni afmælisins, þá
sérstaklega í vikunni fyrir fiskidaginn. Klassísk tónlistarhátíð verði haldins sem og fiskidagskappreiðar, fiskidagsmaraþon,
fiskidagsfjallganga að ógleymdir fimm fermetra saltfiskpizzu frá Promens. Prómens mun vera með á svæðinu fimmhundruð þúsundasta
kerið sem fyrirtækið framleiðir. Þá er Norðurskel, sem selur Bláskel einnig 10.ára líkt og Fiskidagurinn og verður því
bláskel í boði í ár. Þá verður afmælisdagskrá á öðru sviði við höfnina á nýjum stað og til
þess að setja punktinn yfir i-ið verður flugeldasýningin í ár sú stærsta hingað til, en tveir brottfluttir Dalvíkingar splæsa
í sýninguna. Sá orðrómur hefur gengið að hugsanlega sé þetta síðasta fiskidagshátíðin en Júlíus, segir
ekkert slíkt hafa verið rætt og ekki hafi verið um annað rætt en að halda hátíðinni áfram, enda verði hún sífellt betri,
hvað varðar allt skipulag, umgjörð, dagskrá og aðsókn.
