Húni 2 Frá öngli til maga

Verkefnið "Frá öngli í maga" er komið af stað:

Grunnskólabörn haft

gagn og gaman af

Skóladeild Akureyrararbæjar gerði í fyrsta sinn á dögunum, formlegan samning við Hollvini Húna II, vegna verkefnisins, "Frá öngli í maga", sem er fyrir nemendur í  6. bekk. Hollvinir fengu styrk að upphæð 1 milljón króna til ungmennastarfs.

Verkefnið hefur verið í gangi undanfarin ár þar, sem Húni II býður öllum nemendum í sjötta bekk í grunnskólum Akureyrar í siglingu, að undanskildum grunnskólunum í Hrísey og Grímsey. Markmið verkefnisins er að auka áhuga og skilning þátttakenda á lífríki hafsins, sjómennsku og á hollustu sjávarfangs. Fjölmörg grunnskólabörn hafa tekið þátt í verkefninu undanfarin ár og haft bæði gagn og gaman af. Fyrsta ferðin í haust var farin sl. þriðjudag en það voru krakkar í Síðuskóla sem riðu á vaðið fyrstu tvo dagana. Nemendur í Naustaskóla fóru í siglingu í dag en verkefnið stendur til 16. september og þá verða nemendur allra skólanna búnir að fara í siglingu.

Gunnar Gíslason fræðslustjóri segir verkefnið fara vel af stað og að markmiðið sé að festa þetta í sessi. "Ég hef ekki heyrt af neinum krakka sem finnst þetta ekki skemmtilegt, enda nýtur þetta mikilla vinsælda. Við komum við móts við Hollvina Húna II núna þar sem Saga Fjárfestingabanki er farinn úr bænum og við viljum finna þessu farveg," segir Gunnar. heimild Vikudagur.is