Álsey VE 2 © mynd Þorgeir Baldursson 2010
Á fundi strandríkja um stjórnum veiða úr
kolmunnastofninum á árinu 2012, sem haldinn var í London í vikunni,
náðist samkomulag
um að heildarafli verði 391.000 tonn. Er hér um að ræða töluverða
aukningu frá árinu 2011 þegar heildaraflinn var ákveðinn 40.100
tonn.
Íslenskum skipum verður því heimilt að veiða 63.477 tonn á árinu 2012 að frádregnum flutningi aflamarks á milli ára.
Ákvörðunin er samkvæmt ráðgjöf ICES og þeirri langtíma stjórnunaráætlun sem strandríkin samþykktu haustið 2008,
en áætlunin er í samræmi við varúðarnálgun við stjórn fiskveiða að mati ICES. Þeirri langtíma
stjórnunaráætlun er ætlað að tryggja sjálfbæra nýtingu stofnsins til lengri tíma, segir í frétt frá
sjávarútvegs- og landbúnaðarráðuneytinu.
