Súlasker
Fyrir nokkrum dögum , föstudaginn 16. Desember opnaði ljósmyndasýningin Sjómannslíf í
Vestfirzku verzluninni á Ísafirði. Sýningin inniheldur ljósmyndir úr
nýútgefni bók Vestfirska forlagsins, sem nefnist Sjómannslíf. Þar má
finna myndir sem Eyþór Jóvinsson hefur tekið seinustu 5 ár á sjónum,
samhliða vinnu sinni sem sjómaður.
Sýningin inniheldur 25 ljósmyndir sem gefur nokkuð góða innsýn inn í
nútíma sjómennsku. Myndir frá veiðum, af daglegu lífi, slysum og öðru
sem gerist um borð. Myndir af náttúru, lífríki og litadýrð hafsins.
Bæði bókin og sýningin eru einstök að því leiti að hér fá menn að
kynnast sjómennskunni með sjónarhorni sjómannsins, þar sem hann reynir
að fanga þá stemmingu sem hann hefur upplifað sem sjómaður.
Eyþór hefur verið á stórum frystitogurum, niður í smá trillum á
grásleppu og allt þar á milli, þannig að bókin spannar vítt og
fjölbreitt svið innan sjómennskunar.
Þetta er fyrsta bók Eyþórs auk þess að vera fyrsta einkasýning hans.
En hann hefur þó tekið þátt í fjölda samsýninga til þessa. Sýningin er
styrkt af Menningarráði Vestfjarða.
--
Eyþór Jóvinsson
sími: 865-5695
Verslunarstjóri - Vestfirzka Verzlunin.
Ritstjóri - Vestfirska Dagskráin.
