6571-Isbjörg RE 11 © Mynd Guðmundur St Valdimarsson 2009
Björgunarskipið Gunnar Friðriksson á Ísafirði kom með smábát í togi til Ísafjarðar laust eftir kl. 8 í morgun, en leki kom að bátnum í Ísafjarðardjúpi. Björgunarmenn á Gunnari voru með dælur um borð sem náðu að tæma allan sjó úr bátnum.
Björgunarskipið var kallað út á sjötta tímanum í morgun þegar tilkynnt var um lekan bát rétt fyrir sunnan Ritinn í Ísafjarðardjúpi. Björgunarskipið lét úr höfn nokkrum mínútum eftir að útkall barst en þá þegar voru tveir nærstaddir bátar komnir til aðstoðar hinum leka báti. Farið var með dælu á staðinn og gekk vel að tæma hann. Að því loknu tók björgunarskipið bátinn í tog og er nú að sigla með hann til hafnar. Í Ísafjarðardjúpi er nú fínasta veður, stjörnubjart og suðaustan andvari. Heimild www.bb.is
