Mettúr hjá Júlíusi Geirmundssyni
Frystitogarinn Júlíus Geirmundsson ÍS 270 kom til hafnar á Ísafirði í gærkvöldi með verðmætasta afla sem hann hefur komið með að landi úr einni veiðiferð. Veiðiferðin stóð í 39 daga og aflinn upp úr sjó um 830 tonn að verðmæti 360 milljónir króna. Uppistaða aflans var grálúða og ufsi. Við komu skipsins til Ísafjarðar var efnt til grillveislu á hafnarbakkanum fyrir áhöfn skipsins og fjölskyldur þeirra. Það var KFÍ sem sá um að grilla fyrir áhöfnina og fjölskyldur þeirra. Þá hélt tónlistarmaðurinn Baldur Geirmundsson uppi fjörinu með harmonikkuleik.
Júlíus heldur til makrílveiða á sunnudag. Heimild www.bb.is
Baldur Geirmundsson © mynd BB.is
Frá Grillveislunni á Bryggjunni © mynd BB.is
