Skipverji á Kleifarbergi RE 7 © Mynd úr safni Ottó Harðarssonar
Kleifarberg RE 7 © Mynd þorgeir Baldursson
Hluti áhafnar Kleifarbergs RE 7 © mynd úr safni Ottó Harðarssonar
"Það er einfalt, hér er miklu meira en nóg," segir Víðir Jónsson, skipstjóri á frystitogaranum Kleifabergi RE-7, sem er að veiðum í Barentshafi. "Það er mikið af fiski og mjög góður fiskur. Hann er fullur af hrognum."
Kleifabergið er sunnarlega í Barentshafi, á svonefndum Lófótenmiðum. Í Morgunblaðinu í dag segir Víðir að fá skip séu þar að veiðum en nú sé komið annað íslenskt skip. Hinir íslensku togararnir eru norðar í Barentshafi. "Við reynum að stilla veiðunum í hóf til að hafa hráefnið alltaf ferskt."
Lækkandi verð á afurðum kemur illa við skipverja og útgerð Kleifabergsins, eins og aðra. Víðir ber saman tvo túra með árs millibili. "Í byrjun árs í fyrra fór Kleifabergið á þetta svæði og fiskaði fullfermi sem lagði sig á 298 milljónir. Nákvæmlega tólf mánuðum síðar fórum við á sama svæði og sigldum heim með fullfermi en sá túr lagði sig á 216 milljónir."
Teksti mbl.is myndir Ottó Harðarsson og Þorgeir Baldursson
