|
Þrjú skip eru nú komin að línuskipinu Þorláki ÍS sem leki kom að fyrr í dag á Ísafjarðardjúpi. Það eru fiskiskipið Hálfdán ÍS sem kom fyrst á staðinn, björgunarskipið Gunnar Friðriksson og Fríða Dagmar ÍS. Þá er togarinn Páll Pálsson ÍS á leiðinni á staðinn.
Tvær þyrlur Landhelgisgæslunnar voru sendar af stað og er önnur þeirra á Ísafirði til taks ef á þarf að halda en hinni var snúið við til Reykjavíkur samkvæmt upplýsingum frá Gæslunni.
Skipin eru stödd undir Grænuhlíð og má gera ráð fyrir að byrjað sé að dæla sjó úr Þorláki ÍS. Samkvæmt upplýsingum frá Slysavarnafélaginu Landsbjörgu voru 14 manns um borð í skipinu og var gert ráð fyrir því að flytja áhöfnina frá borði ef þurfa þætti. Slæmt veður er á staðnum og var talsverður sjór kominn í vélarrúm skipsins. Þorláki ÍS verður síðan væntanlega fylgt til Ísafjarðar.
Frétt mbl.is: Sjór kominn upp á miðja vél
Frétt mbl.is: Þyrlur á leið að leku skipi
 |
